Posted by: Dilip Gajjar | August 15, 2009
વહાલું વતન -રમેશ પટેલ(આકાશદીપ)
વહાલું વતન
બાંધતી ભાવે ભારતી પાવન બંધન
અવતરતા શ્રીપતિ છોડી ગગન
ધીંગી ધરાએ નીપજ્યા અમૂલખ રતન
વહાલું વતન મારું વહાલું વતન
પૂર્યા શ્રધ્ધાથી અમે પથ્થરમાં પ્રાણ
ગાયાં અમે સંસારે ગીતાનાં જ્ઞાન
કરુણા અહિંસાથી સીંચ્યાં સ્નેહનાં સીંચન
વહાલું વતન મારું વહાલું વતન
સાગરની ભરતી પખાળતી ચરણ
પંખીડાં ગીત ગાઇ કરતાં રંજન
પ્રગટાવ્યાં પૃથ્વી પર પ્રેમનાં સ્પંદન
વહાલું વતન મારું વહાલું વતન
હેતથી હિમાળો ગાતો પુનિત કવન
સંપદાથી શોભતાં વગડાને વન
પાવન સરિતાને કરીએ વંદન
વહાલું વતન મારું વહાલું વતન
સંતોને વીરોની ભૂમિ આ મહાન
કરતા રખવાળી માની જોશીલા જવાન
સીંચતો ત્રિરંગો કણકણમાં શૂરાતન
વહાલું વતન મારું વહાલું વતન
પ્રાણથીય પ્યારી પુનિત ધરતી મંગલ
કરશું વંદન શીરે બાંધી કફન
વટને વચનથી કરશું જતન
વહાલું વતન મારું વહાલું વતન
પંદરમી ઓગસ્ટે જૂમે ત્રિરંગો ગગન
અહિંસા આદરથી રેલાવીએ અમન
સંસ્કૃતિની શોભાથી વિશ્વ થાતું મગન
વહાલું વતન મારું વહાલું વતન
રમેશ પટેલ(આકાશદીપ)
પંદરમી ઓગસ્ટે જૂમે ત્રિરંગો ગગન
અહિંસા આદરથી રેલાવીએ અમન
સંસ્કૃતિની શોભાથી વિશ્વ થાતું મગન
વહાલું વતન મારું વહાલું વતન
I read another Rachana of Rameshbhai & take pride to be born as an INDIAN !
Chandravadan ( Chandrapukar )
http://www.chandrapukar.wordpress.com
By: chandravadan on August 15, 2009
at 11:57 am
રમેશભાઇ, બાંધતી ભાવે ભારતી પાવન બંધન
અવતરતા શ્રીપતિ છોડી ગગન..શરુઆત જ કેટલી અદ્ભૂત છે
વતનભાવનાને, વહાલું વતન મારું વહાલું વતન, તેમ દોહરાવી સહુને માટે કેટલા સુંદર વિવિધ વિચારમાં વ્યક્ત કરી છે..સ્વતંત્રતાનો વિચાર જે કેટલો રોમાંચિત કરે છે..આ મહિનો અદ્ભૂત છે..શહિદોની શહાદત યાદ અપાવે છે..શ્રાવણ ભગવદ્ભક્તોને પાવન કરે છે તો શ્રાવણની હેલી કવિજન અને વ્યાકુળ પ્રેમીઅઓના હ્દયને ઉત્સુક કરી દે છે..
By: Dilip Gajjar on August 15, 2009
at 5:55 pm
પ્રાણથીય પ્યારી પુનિત ધરતી મંગલ
કરશું વંદન શીરે બાંધી કફન
વટને વચનથી કરશું જતન
વહાલું વતન મારું વહાલું વતન
પંદરમી ઓગસ્ટે જૂમે ત્રિરંગો ગગન
vaah Aakashdeep,
To day I have read many poems about Azad din
but this poem has really dragged me with spirit
વહાલું વતન મારું વહાલું વતન,
Thankd Dilipbhai for sharing nice poem.
Paresh Patel
By: Paresh Patel on August 15, 2009
at 8:16 pm
વહાલું વતન મારું વહાલું વતન
સરસ ભાવ.
By: પંચમ શુક્લ on August 16, 2009
at 2:31 pm
Thanks Shri Bharatbhai ….
Bharat Suchak commented on your status:
“khubaj sunder”
To see the comment thread, follow the link below:
http://www.facebook.com/n/?profile.php&id=100000079733340&v=feed&story_fbid=114425056383&mid=f19c82G5af3153ae25cGc9f2dG36
By: Ramesh Patel on August 16, 2009
at 3:37 pm
I VERY VERY proud to be British Indian!!!
Yes british as i was born here but i have indian blood, roots and culture. Thank you for the poem
By: hansa on September 13, 2009
at 6:29 pm