ગઝલ

તૂટે ચાંચો જ્યાં કેવળ શાસ્ત્રની વાતો બડી થાશે

ડુબી જા દિલના દરિયે પ્રેમના અક્ષર અઢી થાશે

વળી  જા  એકસોને એંસી અંશે અંતરયામિ  છે

ભટકવાથી  તો કેવળ  ટાંટિયાઓની  કઢી  થાશે

કરી  મોટો  અહં તે  સાંકળો  બાંધે છે  સત્તાની

કહો  એ કોણ છે જે તૂટતા દિલની કડી  થાશે ?

ડુબીને  ધ્યાનસાગરમાં  જરા  ફંફોળતા  સંભવ

તને  તળીયે પડેલાં સુખ તણી ચાવી મળી જાશે

તપેલી  ખોપડીમાં  શબ્દ પડતા છમ  કરી  ઉડે

અમસ્તી  વાતમાંથી  વાત  વધવાથી લડી જાશે

સબંધો   દિવ્ય  ક્યાં  છે  દર્પણે  પ્રતિબંબ  જૂઠ્ઠા  છે

‘દિલીપ’ નિજના ગણે છે તે જ તુજથી આથડી જાશે

-દિલીપ ગજજર