પ્રિય મિત્રો, દરિયાપાર વસી ગુર્જરી મ્હેંકાવતા અને દેશ ભક્તિના ભાવો છલકાવતાં,
શ્રી રમેશભાઈ પટેલ ’આકાશદીપ’નું ગીત રજુ કરું છું. ‘જયહિન્દ જયઘોષ તિરંગા’
આપ સહુને પ્રજાસત્તાક દિન ના અભિનંદન.
સંગીત અને કમ્પોઝ : નારાયણ ખરે , સ્વર : દિલીપ ગજજર અને રોશની શેલત

શીર સાટે સોગંદ અમારા,પાવન હિમાલય ગંગા
નહીં ઝૂકીએ ન ઝૂકવા દઈશું,…૨
તારી શાન ત્રિરંગા.. કોરસ …
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ -…… તારી શાન તિરંગા ..
શીર સાટે સોગંદ અમારા,પાવન હિમાલય ગંગા

વિશ્વ ધરોહર ભૂમિ અમનની, કેસરીયાળી ક્યારી………….૨
ભારતની એ અમર સંસ્કૃતિ,……૨ ઝૂમે હરિયાળી પ્યારી….કોરસ
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા……

લાલ કિલ્લાએ શોભે કેવો, અમર યશ સહભાગી…………૨
સુજલા સુફલા ધરા મંગલા,…..૨ ધન્ય અમે બડભાગી…. કોરસ
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા…….

નહીં ઝૂકીએ ન ઝૂકવા દેશું, રંગ ધરશે રખવાળાં…૨
નહીં ભૂલીએ બલિદાનો વીરા,..૨ અમર જ્યોત અજવાળાં…કોરસ..
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું, તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા

જયહિન્દ જયઘોષ ત્રિરંગા….રમેશ પટેલ(આકાશદીપ)

શ્રી દિલીપભાઈ
જય યોગેશ્વર.
આપની આજની આ ઈ મેલ , મારા માટે યાદગાર સંભારણું બની રહેશે.
આપે ખૂબ જ રસ લઈ , સાહિત્યિક મિત્રોને એક ભેટ ધરી છે અને તેમાં
મને સહભાગી બનાવી આભારી કર્યો છે તે બદલ ખુશી વ્યક્ત કરું છું.
રાષ્ટ્ર સન્માનના આ ગીતને ,શ્રી દિલીપભાઈ ગજ્જર અને રોશની શેલતનો
સ્વર મળ્યો અને ખૂબ જ નિષ્ણાત શ્રી નારાયણ ખરે, સંગીત ક્ષેત્રના તજજ્ઞના હસ્તે રેકોર્ડીંગ , એ સોનામાં સુગંધ જેવું છે. આપ સૌનો , કેલિફોર્નીઆ અમેરિકાથી , અમારા ઈન લેન્ડ એમપાયર , રીવર સાઈડ કાઉન્ટી સાહિત્ય સૌજન્ય મંડળ વતી ખૂબ ખૂબ અભિનંદન. આપે ૨૬મી જાન્યુઆરીના રાષ્ટ્રીય પર્વે તેને પ્રથમવાર
બ્લોગ પર મૂકવાનું આયોજન કર્યું , એ ખૂબ જ પ્રાસંગિક અને ગૌરવવંતું લાગ્યું.
આપના તથા સૌ તજજ્ઞ મિત્રોના સવિશેષ આભાર સાથે આભિનંદન.

રમેશ પટેલ(આકાશદીપ)
શ્રી રમેશભાઈ સાદર નમસ્કાર, આપનું આ રાષ્ટ્રભક્તિનું ગીત ગાતા આપના ઉદ્દાત ભાવો અને વિચારો સાથે એકરુપ થવાનું સદ્ભાગ્ય મળ્યું અને આ રીતે પ્રજાસત્તાક દિને આપની રચના રજુ કરવા મળી તેની ખુશી અપાર છે..આપના ગીત ને ઉચિત ન્યાય આપવા સહુએ યત્ન કર્યો અને આપે અમારા પ્રયાસને આવકાર્યો તે અમારે મન નોંધનીય વાત છે, આપના પ્રતિભાવ માટે આભાર… જયહિન્દ.

-દિલીપ ગજજર

પૂંછડી દબાવી ચાલ્યા નવ દશ અગ્યાર છે
મોતીડાં નો થાળ લઈ નવવર્ષ આવે બાર છે
જે અનુભવનુ મળ્યું ભાથુ ને મિત્રો માર્ગમાં
સૌ નવીનતાને દિલીપ સત્કારવા તૈયાર છે
-દિલીપ ગજજર
૩૧.૧૨.૨૦૧૧

કોણ રોકી દે સમય ? ને કોનાથી કહેવાય બસ ?
બે હજાર અગ્યાર સરક્યું વર્ષ બેઠું બાર હર્ષ !

રોજ સૂરજ આવતો અજવાળવા અંઃતકરણ
કેટલું દેવત્વ પામ્યો કેટલું કાઢ્યું તમસ !

કઈ દિશા ને માર્ગ પર ચરણો ગતિ કરતાં રહ્યાં ?
ક્યા જીવન આવી ઉભું વિચાર કર બુધ્ધિને કસ !

આશ રાખી માનવી પર આજ્તક જોતો હશે
ઉચ્ચ હેતુ ઈશનો સમજાય તો કેવું સરસ !

સ્નેહ વર્ષા અવગણીને ગાળ ભાંડે જો નગર
મીટ માંડી રાહ જોતા ગામડે જઈને વરસ !

જ્યારથી તારી છબી આ દિલના દર્પણ માં મઢી
શોધ લાગે પૂર્ણ થઈ ના સ્વપ્ન મૃગજળ કે તરસ

ભોગના પ્રવાહમાં તું રાતદિન ભીંજાય પણ
વિપરિત સમાજના રિવાજની સામે ય ધસ !

વ્યર્થ જાયે જો જીવનની સાધના આનંદ ના,
કોઈ સૂની ધડકનોમાં પ્રીતનું થૈ ગીત વસ

આજ પણ મા ગુર્જરી ને સંસ્કૃતી રુંધાય છે
એટલે સંગીતને સાહિત્ય માં દિલીપ ને રસ
-દિલીપ ગજજર
૩૧.૧૨.૨૦૧૧

एक दिन हमतुम मिलेंगे तुम फिकर करना नहीं 

क्या अभी करती हो तुम मै गीत गाता सोचता, 
खुश रहेना तुम सदा उदास मन करना नहीं 

प्यार के तेरे सहारे झिन्दगी ये जा रही 
भर दिया दिलका ये सागर और कुछ भरना नहीं

रागद्वेषो के झहर, यमुना विषैली हो गई
विश्वमें मानव्यता सा कोई भी झरना नहीं

प्यार देना प्यार लेना, प्यार से जग देखना
हो सके इन्सान बनना और कुछ करना नहीं

ध्यान है तो है सभी कुछ, घ्यान ना तो कुछ नही
तु जो है तो है सभी कुछ, और कुछ स्मरना नही

कोई भला बुरा समझता कोई दिवाना दंभी पर
बंदे से कहता खूदा परवाह तुं करना नहीं

इस जमीं पर हो न हो तु कल्पनाकी है परी !
यह कविकी कल्पनाका ध्यान कुछ धरना नहीं

झिन्दगी को पानेकी किंमत दिलीप पहचान ले,
मौत एक कविता बनेगी मौत से डरना नहीं
-दिलीप गज्जर

મતભેદ વેરઝેરને દિલથી ફગાવીએ 

गीतगुंजन मे प्रस्तूत करता हुं, मै पल दो पल का शायर हूं.

भात्रूस्नेहेन ्त्वम स्नीग्धा भात्रू गौरव कांक्षिणी I

શીતલ ચંદા કેરી શીતલ ચાંદની છે 

રહી પંકમાં પણ ખીલે જેમ નલીની 

વહે ગંગ સમ  તે જગત પાવની છે 

શુભાશિષ વહાવે એની બેય આંખો 

મધુરરસ સુધારસ સદા પાયીની છે 

સદા ભાઈ કાજે દિલે ભાવ ભરતી 

હરિરસના સતસંગની દાયિની  છે

ભલુ ભાઈનું તું તો ચાહે છે હરદમ
તને જોતા લાગે મૂરત ત્યાગની છે

દુરિતને પલકમાં તે પલટાવી નાંખે
બહેન મારી સાત્વિક સ્વભાવની છે

એની રક્ષામાં સ્નેહ સાચો દિશે છે 

દિલીપભાઈની પ્રેરણાદાયિની છે