તિરાડ -રિષભ મહેતા ‘બેતાબ’

rg

આજે લાડીલા શાયર અને ગાયક રિષભ મહેતાની ગઝલ રજુ કરું છું લેસ્ટર, બોલ્ટન, બેટલી, બર્મિન્ઘામ, માન્ચેસ્ટર, લંડન અને યુ.કેના ગઝલ ચાહકો ના કાનમાં હજી ગુંજ્યા કરે છે ગાયત્રી ભટ્ટ અને રિષભ મહેતાના કંઠે ગવાયેલ ગઝલો અને રાગ સ્વરની સંગતે મહેફિલોમાં ઉડેલી રંગત.

Gazal

 કોણે તને કહ્યું’તું – કલમ ઉપાડને ?

ધ્યાનસ્થ શબ્દના ૠષિને તું જગાડને !

બેઠો ભલે તું બંધ કરીને કમાડને,

પૂરીશ શી રીતે તું ભીંતની તિરાડને ?

આખો ને આખો હાથ દબાઈ ગયો અરે !

નીકળ્યો’તો હું ઉચકવા શબ્દના પહાડને.

કમભાગ્ય એનું; કોઈને છાયા ન દઈ શક્યો,

સરખો જ તાપ વેઠવો પડે છે તાડને.

બોલ્યું નહીં જરાય પાનખર વિરુદ્ધ એ,

પૂછ પૂછ કર્યા કર્યું મેં લાખ વાર ઝાડને.

મસળી રહ્યો છે કેમ ફૂલને તું પાનને ?

તાકાત હો તો એકલા કાંટા ઉગાડને ?

એની ઉલટ તપાસ બહુ ઘાતકી ઠરી,

વાડા વિષે જરાય નો’તી જાણ વાડને !

‘બેતાબ’ અમે પણ હતા મક્કમઃ ન ચીખશું,

દુનિયા દબાવતી ભલે ને દુઃખતી નાડને.

‘બેતાબ’ ના અણસાર સુદ્ધાં દીધો મોતનો,

બેસી રહ્યા તબીબ સૌ પકડીને નાડને.

-રિષભ મહેતા ‘બેતાબ’

સપના વીણી શકું તો, -Niranjana Desai

મિત્રો, નિરંજના દેસાઈ આપણી સમક્ષ તાજેતરમાં ‘ઈતર’ કાવ્ય સંગ્રહ અને ‘આવતા રહેજો’ ગુજરાતી કાવ્યોનો સી.ડી. આલ્બમ લઈ આવ્યા છે..તો ચાલો આવો આપણી ગુજરાતી ભાષામાં ઉમેરાયલાં નવલા પ્રકાશનોને બિરદાવીએ…

img_1258_22

પનાં !

સપના વીણી શકું તો,

પાનખરમાં ખરતાં પર્ણોને મારા પાલવમાં ઢબુરી લઉં !

સપના વીણી શકું તો,

વેરાતા બરફની ફરફરને મારી હથેલીમાં પૂરી દઉં !

સપના વીણી શકું તો,

વસંતમાં મ્હોરતી કળીઓનાં સ્પંદનો મારા કવિતમાં ગૂંથી દઉં !

સપના વીણી શકું તો,

ગ્રીષ્મમાં ખીલતાં પુષ્પોના આનંદને મારા અસ્તિત્વમાં ભરી દઉં !

ને ઝરમરતાં વર્ષાના ફોરામાં,

આ સર્વ સપનાં સમેટી જીવનને ઝરમરતું કરી લઉં !

-મઘમઘતું કરી લઉં !


નિરંજના દેસાઈ, લંડન

13 Gujarati Poems in ‘Avata Rejo’ Audio CD Album, Singer & Composer Maya Dipak, Ahmedabad, India

Three Muktak-Dilip Gajjar

 

mayamuktak

ાચો ગાઓ કરો આનંદ ઈશાવાસ્યમ ઈદમ સર્વમ 

જગે વસંતનો વૈભવ ! કાં નૈરાશ્યમ ઈદમ સર્વમ ?

રડે જન્મી રડે અંતે જીવન રોના હૈ ક્યા લલ્લુ ? 

સદા હસતાં રહી ફેલાવી દો હાસ્યમ ઈદમ સર્વમ !


દોસ્ત સાચા ક્યાં મળે પરદેશમાં 

મતલબી ને સ્વાર્થી પરદેશમાં 

કોક પોતિકું કદી આવી ચડે 

સીમાનું અંતર તજી પરદેશમાં


-Dilip Gajjar

શબ્દ -ડો. અબ્બાસઅલી તાઈ ‘અજનબી’

મિત્રો આજે ઘણા દિવસ પછી પરમ આદરણિય અબાસઅલી તાઇની એક કૃતિ રજુ કરું છું.
શ્રીકૃષ્ણ ઉપર પી.એચ.ડી. કરી જેમ આદ્ય શંકરાચાર્યે કહ્યુ કે, મમ ભવતુ કૃશ્ણોક્ષિવિષય અર્થાત શ્રીકૃષ્ણ મારી આંખના વિષય થાઓ,..
તેઓએ આ જ વિષય પર વિશ્વભરમાં ૫૦૦ થી પણ અધિક વ્યાખ્યાનો કર્યા.
૪૨થી વધુ પુસ્તકો માં તે જ વિચારધારા રાખી સાહિત્ય સર્જન કર્યુ , ૭૦થી વધુ વિદ્યાર્થીના પી.અએચ્.ડી. માર્ગદર્શક બન્યા..
તે સમગ્ર માનવો માટે પ્રેરણાદાયી અને સંવાદિતતાનું ઉત્તમ ઉદાહરણરુપ નથી ?…તેમના જીવન અને કાર્યને શત શત અભિનંદન ..
અસ્તુ,…ચાલો તેમની રચના માણીએ અને આપના પ્રતિભાવો સાથે સરાહીએ…
img118
શબ્દ

 શબ્દ છે સંપત્તિ મારી, શબ્દમાં છે સતગુરુ

શબ્દ વિનાનું જગ અધુરું, શબ્દે સત સમજાય છે

શબ્દ છે આયાત અહીં તો શબ્દ છે ૠચા તહીં

શબ્દ શબદ થઈ જાય તો ગુરુદ્વારે એ સંભળાય છે

શબ્દમાં છે આરતી ને શબ્દમાં ગૂંજે અઝાન

શબ્દમાં કથની પુરાણી સંસ્કૃિ ત સમજાય છે

શબ્દમાં છે સલમા-સીતા શબ્દમાં મેરી મધર

શબ્દ હાલરડે વસી મમતાના ગીતો ગાય છે

શબ્દમાં છે સાતસૂર ને શબ્દમાં ઇતિહાસ છે

શબ્દ સાહિત્યે રમે તો રુપ નવલા થાય છે

શબ્દમાં છે પાળિયા-દુહા ઝખમને રાસડા

શબ્દની સાખીમાં વીરોની કથા છલકાય છે

શબ્દમાં અક્ષર વસે ને અક્ષરે છે નાદબ્રહ્મ

સૃષ્ટિમાં સર્જનને લયની જ્યાં કથા દોહરાય છે

 -ડો. અબ્બાસઅલી તાઈ ‘અજનબી’

मैं जन्म तथा कर्म से ईस्लाम धर्मी मुस्लिम व्यक्ति हूं. मेरे इस संशोधन के बाद हजारों लोगों ने मुझसे यही प्रश्न किया, ‘आपने यही विषय (कृष्ण) ही क्यों पसंद किया ? प्रति उत्तर साफ था, मै भारत भूमिका पुत्र हूं, जिसके संस्कार से तथा संस्कृतिसे प्रभावित होना स्वाभाविक है. जैसे कवि रसखानने कृष्ण काव्य लिखे, कर्नाटकके चित्रकार अल्लाबक्षाखांने श्रीकृष्णलीला के बडे भाववाही सुन्दर चित्र बनाये ( जो बांसदा रियासतके राजमहलमें आज भी मौजुद है ) बडे बडे मुस्लिम शाश्त्रीय गायक उस्तादोनें भी कहा,-बिना कान्हा कया गाना ?” अल्लामा इकबालने अपने ‘मनसवी’काव्यमें असरारे खुदी में श्रीकृष्णके गुणगान गाये है.

-डो. अब्बासअली ताई की ‘अजनबी हस्ताक्षर’ किताबसे..

પ્રભુતા પમાડી જોઈએ -રમેશ પટેલ ‘આકાશદીપ’

lay-out_2_2પ્રભુતા પમાડી જોઈએ

 

ગ્યું છે પ્રભાત સુંદર થોડી શ્રધ્ધા જગાવી જોઈએ

અંતરમાં અજવાળા પાથરી થોડી પ્રભુતા પમાડી જોઈએ

 

સંસાર સાગરે ઉઠતા તોફાને હોડી હંકારી જોઈએ

સાહસને યુવાનીના અશ્વપર જોશે પલાણી જોઈએ

 

જિંદગીને જગતે , ભરી આત્મ વિશ્વાસ નાણી જોઈએ

નાથી ઘૂઘવતી સરીતા લીલીછમ વાડી લહેરાવી જોઈએ

 

મારૂતારૂ ગણી ગણી વિખવાદમાં ડૂબી મર્યા આપણે

આવો વિશ્વને માનવતાના સદગુણોથી સજાવી જોઈએ

 

ઊર્મી ઉછાળી ઉરની, સંબધના સરવાળા કરી જોઈએ

સંસારના વેરઝેરને ધરબાવી સૌના મુખ મલકાવી જોઈએ

 

ફૂલ જેવા થાઓ તો માનવ શું પ્રભુ પણ રીઝી જાયછે

દેવ જેવા થવા માટે ષટ રીપુ હરાવી જોઈએ

 

થઈ સિકંદર જગતમાં ખાલી હાથે જવાનું જાણીએ

હૃદયમાં ભરી પ્યાર “આકાશદીપ” મરણ દીપાવી જોઈએ

રમેશ પટેલ ‘આકાશદીપ’

 

Photo by D.Gajjar

 

શ્રી રામ બોલો !

new_pa2-128x1501

કામ એક સાચુ કરી શ્રી રામ બોલો

પ્રાણ જાતા દેહનું શું કામ બોલો

ભક્તિ સાચી છે અગર દાનત ભલી હો,

ના બગલમાં છૂરી રાખી રામ બોલો

સંસ્કૃતિની લાજ જગથી જાય ત્યારે

મૂલ્ય અર્થી નીકળે શું રામ બોલો

કળજુગે હેરાન છે શ્રીરામ ભક્તો

રાવણો દે ત્રાસ ગામેગામ બોલો

સંગ કરતાં જીન્દગીભર સંત સમજી

નીકળે શેતાન તો અંજામ બોલો

સંપત્તિ શકિત વધે ત્યાં શીલ ગાયબ

થાય ધાર્યુ રાક્ષસી પરિણામ બોલો

પદ પ્રતિષ્ઠા વિત્ત રાજ્ય ત્રણ તજ્યા

હો કશૂ એવું કર્યું તે નામ બોલો

શ્વાન રાજા થઈ ઉકરડે જઈ ચડ્યાં

પોલ ખોલી શું મળ્યું ઈનામ બોલો

પાઠ પોપટ ટેવ પણ ભારે પડી ગઈ

મુક્ત ગગને ઉડશે ખુલે આમ બોલો

હરજગે શિર ટેકવાથી નહિ મળે તે

રામરાવણ જય ! ભલા શું કામ બોલો

વીરભક્ત હનુમાન થઈ લંકા જલાવો

સત્યનો થાશે વિજયતેતરામ બોલો

રક્ષવા મા ભોમ ભાષા થા ઉભો

એક થઈ આરામ છે હરામ બોલો

હા, સ્વધર્મે મૃત્યુ શ્રેયસ્કર દિલીપ

હરપલે જીવન સતત સંગ્રામ બોલો

જય શ્રી રામ