દિકરીના જન્મદિવસે એક ગીત

yogi
દિકરી યોગિશાના જન્મદિવસે એક ગીત રજુ કરું છું આશા છે આપ સહુને ગમશે.
મિત્ર મુસાફિર પાલનપુરીનું રચેલ આ ગીત ગાઈને આપની સમક્ષ મુકવું છે…

પ્રણયવેલની કુંપળ છે તું ઉર ઉપવનનું ફૂલ

તું પંખી તું કલરવ મીઠો તું જ ગીત મંજુલ


પ્રથમ કિરણશી જ્યારથી નિરખી આંખ ઠરી છે મારી

ઉઘડી છે મુજ અંતરદ્વારે ઉલ્લાસોની બારી

પ્રેમકૃપાથી હેમ થયા સૌ સ્વપ્નોના તાંદુલ


બુટ્ટી, બક્કલ, કંઠી કંગલ અક્ષરનું અજવાળું

એ તારા આભૂષણ બેટી તું આભૂષણ મારું

મમ્મી છે મીરાની ચાદર તું મનગમતી ઝૂલ


ચાર દિવાલોની આ માયા તુજથી ઘર લાગે છે

એક દિવસ તું ઉડી જશેનો ડર ભારે લાગે છે

તુજવિણ નક્કી ખખડી પડશે પપ્પા નામનો પૂલ


-મુસાફિર પાલનપુરી

સત્યનો સંસારમાં આભાસ છે

Pitro-Jagana

ચંદ્રનો પાણીમહીં જે ભાસ છે

સત્યનો સંસારમાં આભાસ છે

જીવને છે શીવનો સંગાથ પણ,

ઇન્દ્રિયોને વિષયોની પ્યાસ છે

શીલ ને  આચારહીન  પ્રચારમાં,

વાણીનો વિલાસ છે, બકવાસ છે

બારમાસે  તેજ લઈ  ચમકે  બહું

ઉછીના અજવાસને અમ્માસ છે

પાપ,શોષણ છળકપટ ધન ઢાંકવા

સાધુના  મળતા ઘણા લિબાસ છે

એક સાથે સાધુ ને  શેતાન ત્યાં

કોણ  સત્યોની  કરે તપાસ  છે

એક હાથે શસ્ત્ર બીજે શાસ્ત્ર છે

સત્યના  પક્ષે  વિરોધાભાસ છે

વિશ્વ પર ઉપકાર કરવા દોડતાં

તેમનો કાઢી લીધો મેં ક્યાસ છે

ડૂબકી  મારી કે  પાવન થઈ ગયા

કોને ચિંતન ધ્યાન કે અભ્યાસ છે

સત્ય ને ઈશ્વર કેદ છે સંસ્થામહીં

સત્યનું આયોજન સત્યાનાશ છે !

-દિલીપ ગજજર

સુધારીને વાંચવુ-આદ્ય શંકરાચાર્યને ભણ તો ખરો


આજ મૌનનું બંધ શિવાલય ખૂલ્યું-આદિલ મન્સૂરી

GetAttachment-1.aspx

આજ

આજ મૌનનું બંધ શિવાલય ખૂલ્યું,

અંધકારનો સર્પ સરકતો

શંકરની ગરદનમાં,

નંદી હમણાં

ખરી પછાડી; પુચ્છ ઉછાળી

ધસી આવશે,

કરોળિયાનાં જાળાઓમાં

શિંગ ભરાતાં

ખચકાશે; અટવાશે,

ત્યારે

દેહ ઉપરથી

ભસ્મ ઉડીને પંથ ચીંધશે,

ઘંટારવની સૌરભ પ્રસરે કુંજે કુંજે,

આજ સકલ બ્રહ્માંડ શબ્દનું ઝૂલ્યું,

ખૂલ્યું ખૂલ્યું

આજ મૌનનું બંધ શિવાલય ખૂલ્યું.


-આદિલ મન્સૂરી

તેમના ‘સતત’ કાવ્ય સંગ્રહમાંથી

શિવજી મહિમા ! -રમેશ પટેલ ‘આકાશદીપ’

lordshivaશિવજી મહિમા

વહે ગંગની ધાર, ચમકે બીજનો ચંદ્ર જટાએ
ફણિધર દે નાગચૂડ , અંગે ભસ્મ ભભૂતિ દમકે
પિનાકીન પાશુપતિ,તાંડવ નર્તક,હળાહળનો હરનાર
ગણેશ કાર્તિકેય પુત્રસહ માત પાર્વતી શોભે તમ દરબાર
ત્રિશૂળ ધારી, ત્રિલોચન,મૃત્યુન્જય મહાદેવ તું દાતાર
નમીએ તુજને, તુજ કૃપાથી પામીએ કૈલાશ દ્વાર

મહાદેવજી અંગે ભસ્મ લગાવી અક્ષર અને ક્ષરના ભેદ બતાવે છે.ભભૂતિ નાથનો સૂક્ષ્મ સદેશ ઝીલીએ.

ભભૂતી

રાખ રાખોડી ભસ્મ ભભૂત, નિર્મળ નામશેષ મહા લીલા
તપતા તપતા સંસાર અગનમાં,પરખ્યા ભેદ ભરમ ભાવિના

રાખ તારા લાખ સવાયા, મૂલ મોંઘેરા આજ દીઠા
શિવ અંગે ભભૂત થઈ દિવ્ય સત્સંગ તમે કંઈ કીધા

માયા મૂકી રાખ જ થાતા ભૂપતિ જતિ સતી અવતારી
સંગ ના આવે સગપણ અમારા દેખી તારી ભભૂતી

યજ્ઞ વેદી સ્મશાન ઘાટ કે હોય ઘર ચૂલાની રાખોડી
સંદેશ દેતી સકળ સંસારે, પંચભૂતોની સર્જન વિલયની જોડી

વૃક્ષો બની ખનીજ ખડક ને ભળભળ ભડકે બળતા
મૂઠીભર રાખોડી બનીને પથપથ પવને ઉડતા

રૂપ રૂપૈયા મહેલ મહેલાતો ને કુદરત કરિશ્મા અનંત અનંતા
ભસ્મ રુપે વિલિન થાતા જ્યાંથી ઉદ્ ભવી વિધાતાની ગાથા

આજ રાખની જાણી મહાશાખ વિધ વિધ ઉપભોગે ભંડારી
રાખ રૂપાંતરે બની સિમેન્ટ ને નગરે નવનિર્માણની કેડી કંડારી

સૂક્ષ્મ ભેદ તત્ત્વોનાં ખોલ્યાં, રાખની શક્તિ આજ પિછાણી
રાખ નથી કંઈ અંત, નવ સર્જનની દેવી જાણી

રમેશ પટેલ ‘આકાશદીપ’


હઝલ-સૂફી મનૂબરી

hazalમિત્રો ,આજે નવી કેટેગરી-વિભાગ શરું કર્યો હઝલનો..જેઓ નથી જાણતા, હઝલ શું છે તેમને આ હઝલથી સમજાય જશે
ટૂંકમાં કહું તો આ કાવ્યના પ્રકારમાં હાસ્યરસ હોય છે..
તમને તે હળવે હસાવશે ક્યારેક જોરથી હસાવશે…તેવી કટાક્ષયુક્ત ગઝલની બહેન કહેવાય હઝલ !!!!

મુક્તક

બાપ-દિકરો રહે છે U.K.માં,

બેઉની વચ્ચે રોજ fight છે.

બાપ છે લેંઘાના જેવો ઢીલો,

દિકરો જીન્સ જેવો Tight છે.

હઝલ

હાસ્યની વાણી હઝલ, ને રાજાની રાણી હઝલ,

સો બિમારીની  દવા ક્યાંથી તમે આણી હઝલ ?

એ બધું રાખે છે મનમાં, ખૂબ છે શાણી હઝલ,

ને કવિતા માસીની એ થાય છે ભાણી હઝલ

કોઈ કહે લૂલી છે ને કોઈ કહે કાણી હઝલ,

વરસોથી વાંચી તમે પણ ના હજી જાણી હઝલ.

એમને મન તો છે એ મક્કાઈની ધાણી હઝલ,

મામાના મન તો હજી છે ઘાંચીની ઘાણી  હઝલ

ધબકી જ્યારે એ ‘ધબાકા’માં ”સૂફી”ના દોસ્તો,

ત્યારથી લોકોએ પિછાણી હઝલ, માણી હઝલ

-સૂફી મનૂબરી

ગાંધીના ગુજરાતમાં શું શું નહિ વેચાય છે

Baapuગાંધીના ગુજરાતમાં શું શું નહિ વેચાય છે

મૂલ્ય ચારિત્ર્યના સઘળા ધૂળ ભેગાં થાય છે

પોટલી કે બાટ્લી કે પાટ્લી યા ખાટલી

જીન્દગી તો ઠીક સોદા મોતના અંકાય છે

રામની કથાને લોકો હોંશથી સુણવા જતાં

કાંડ વિધવિધ સાંભળીને ભક્ત રાજી થાય છે

વાઈબ્રન્ટ ગુજરાતે લઠઠાકાંડ જ્યાં ભરખી રહ્યો

એક પછી એક લઠઠો પીને મોત મુખમાં જાય છે

દોષ કોને આપવો પોલિસ નેતા કે પ્રજા

પૈસા ખવડાવીને સઘળા કામ સંકેલાય છે

‘मै नही खाता हुं और खाने भी ना दुंगा तुझे’

ફિલ્મના ડાયલોગ મંત્રીના મુખે સંભળાય છે

આસા તાંત્રિક ફેરવી દે એમ પાણી આશ પર

ભોળા બાળકના બલિ આશ્રમમહીં દેવાય છે

ખૂન પંકજનુ કરી ગીતા કહી કમાઈને

લૂટતી ગુજરાતને મહારાષ્ટ્રની એક બાઈ છે

કામનાપૂર્તિને માટે યજ્ઞ આયોજન કરી

વિશ્વશાંતિના બહાને ધન લૂંટી લેવાય છે

કામ-ક્રોધ-લોભ દ્વારો નર્કના ગીતા કહે

પ્રમદા મદિરા ને ધનથી કોણ ના લલચાય છે

એક ‘દિ ગાંધીતણા સપનાનો સૂરજ ઉગશે

સ્વપ્ન ને આદર્શમાં તો ક્યાં સુધી જીવાય છે

આધિ વ્યાધિ ને ઉપાધિ નીરખી ચારે તરફ

મુજથી ચુપચાપ ના રહેવાય કે સહેવાય છે

-દિલીપ ગજજર, લેસ્ટર

માંસ,મદિરા, જૂઠ,ચોરી, દૂર દ્દુર્ગુણથી રહું,

ઈશ્વર સાક્ષી છે તેથી યમ નિયમ સચવાય છે

તું હની ખિજાય છે -અદમ ટંકારવી, ગાયક-ચંદુભાઈ મટાણી

jyare jyare tu hani khijay chhe

Singing chandubhai  2

ગાયક અને પ્રોડ્યુસરઃ ચંદુભાઈ મટાણી

નાની અમસ્તી વાતમાં અપસેટ થઈ ગઈ

હમણાં સુધી જે ધીસ હતી તે ધેટ થઈ ગઈ

ગુજરાતમાં હતી આ ગઝલ ગોળપાપડી,

ઈન્ગલેન્ડમાં આવી અને ચોકલેટ થઈ ગઈ

ગુજલીશ

જ્યારે જ્યારે તું હની ખિજાય છે

ત્યારે ગ્લોબલ વોર્મિંગ થઈ જાય છે

સાવ નિર્મમ ના કહીશ ગુડબાય તું

ગુજરાતીમાં આવજો કહેવાય છે

લાગણી લીટરના જેવી છે રબીશ,

ડસ્ટબીનમાં તે હવે ફેંકાય છે

તું મને પાલવનું ઇન્ગ્લીશ પૂછ નહિ

અહિંયા આંસુ ટીશ્યુથી લુછાય છે

મોનિકા જેવી જ ભાષા છે ‘અદમ’

સહેજ અડીએ ને ભવાડા થાય છે

-અદમ ટંકારવી

આ ગુજલીશ સાંભળવા ઉપરની લીંક ક્લીક કરો..

બીજી વાર ફરી તમારે લીન્ક પર ક્લીક કરવી પડશે…ત્યારે સ્ક્રીન બ્લેન્ક થશે અને એમપી૩ પ્લેયર ઓપન થશે..

આલ્બમઃ ગુજરાતી ડોટ કોમ

સંગીતઃ આસિત દેસાઈ

લેસ્ટરની મુલાકાતે પ્રકાશ ન. શાહ અને વિપુલ કલ્યાણી

લેસ્ટરની મુલાકાતે પ્રકાશ ન. શાહ અને વિપુલ કલ્યાણી

મિત્રો, તાજેતરમાં લેસ્ટરના આંગણે પધાર્યા હતા સાહિત્યના બે મહાનુભવો ઓપિનીયનના તંત્રી વિપુલ કલ્યાણી અને અમદાવાદથી ‘નિરીક્ષક’ સામયિકના પ્રકાશ. ન. શાહ પણ સાથે હતા. યજમાન હતા ગાયક કલાકાર ચંદુભાઈ મટાણી. તાજેતરમાં જ તેઓ આફ્રિકાની મુલાકાતે ગયા હતા જ્યાં ટોલસ્ટોય ફાર્મ, ફીનીક્સ આશ્રમ, અને ઈલા ગાંધીને પણ મળ્યા હતા તેઓએ અમારી સાથે અનેક અનુભવોની રસલ્હાણ કરી હતી. તે બધા તો અહી વર્ણવી નહિ શકાય પણ તે દિવસે બપોર પછી લેસ્ટરના બોટ્ાનીકલ ગાર્ડન જવાની મારી દરખાસ્ત સ્વીકારી લીધી અને અમે ચારે પહોંચ્યા ત્યાં યોજાયેલ હતું લેસ્ટર યુનિવર્સિટીના શિલ્પ કલાના વિદ્યાર્થીઓના શિલ્પોનું પ્રદર્શન !! આનંદાશ્ચર્ય સાથે તેઓએ માણ્યું અને ખુશખુશાલ થઈ ગયા ત્યારે તેમનો કલાપ્રેમ છલકાઈ ગયો હતો…તો રજુ કરું છું થોડી શીલ્પછબીઓ આશા છે આપને ગમશે અને પ્રેરક બની રહેશે…આ પછીની પોસ્ટમાં ચંદુભાઈના કંઠે અદમ ટંકારવીની એક ગુજલિશ ગઝલ !

IMG_9675ગાંધીની આગળ……દેખાતું ઉજ્જવળ આશામય ભવિષ્ય !

ઉભા છે લેસ્ટરના ગાયક કલાકાર ચંદુભાઈ મટાણી તથા પ્રકાશ ન શાહ સાથે વિપુલ કલ્યાણી

થોડા દિવસો પહેલા બ્રિટનના વડાપ્રધાન ગોર્ડન બ્રાઉન ચુપચાપ ગાંધીની મુલાકાતે આવેલા અને ફૂલહાર કરેલા જે નજરે ચડે છે !!!

IMG_9683_2ગાંધીની પાછળ…વર્તાતુ વાસ્તવિક નક્કોર નગ્ન સત્ય !

IMG_9498 બોટાનીકલ ગાર્ડનમાં કદમ મૂકતા….અદભૂત વૈવિધ્યસભર કાંસ્ય શિલ્પો ! The Fallen Deodar by Jilly Sutton

IMG_9703પ્રકાશપુંજના એક કિરણને નિરખતાં પ્રકાશ ન. શાહ               Ray II by Irene Rogan

IMG_9323જીવન જાણે કે એક ગતિમાન લીટી તેના પર મૂક્યો આડો છેક એટલે મૃત્યુ નો ક્રોસ !! Go Gently with Life      by Rita Phillips

IMG_9336 અહીં સહજ નગ્નશીલ્પ વિકારી શિકારી નજરથી નથી જોવાતા સહજ સરળતાથી અવલોકાય છે Innocence by Rosemary barnett

IMG_9339શીર્ષાસન કરી દેખાડતો એક શ્વાનયોગી !  Dog performing Headstand by Marjan Wouda

IMG_9350 Large Siren I       by Derek Howarth

IMG_9734“ઉભય શ્વેત ખાદીધારી, ગાંધીવાદી મૂલ્યવાદી, સાહિત્યજોળીધારી, ગુર્જરી ભેખધારી અને ઠૉઠ નિશાળિયાસમ કેમેરાબેગવાળો હું “

એક મુક્તક સાદર અર્પણ કરું છું,

આગમન જ્યારે સૂરજનું થાય છે

એક કિરણ ભીતર પ્રવેશી જાય છે

હાં, વિપુલ પ્રકાશ જ્યાં ફેલાય છે

એક અવસર આંગણે ઉજવાય છે

આમ આખો દિવસ આનંદમય, ઉસત્સાહમય, ઉસત્સવમય ,અજવાશમય બની રહ્યો !-દિલીપ ગજજર


अप्प दीपो भव

अप्प दीपो भव

બુદ્ધ અંતે એમ કહેતા

શિષ્યને સંબોધી વદતા

નીજ હ્દયે માર્ગ જોજો

નીજ જ્ઞાને દૃષ્ટિ કરજો

પગભર થઈ રેહજે તું

દીપ તારો થઈ જજે તું

મૂઢ શિષ્યો એમ કહેતા

બુદ્ધને પ્રત્યુત્તર દેતાં

ઈશ દિલમાં કેમ જોશું

આપને ભગવન કહીશું

આત્મજ્ઞાને કેમ ભાળું

આપના જ્ઞાને નિહાળું

ખુદ કદમો કેમ ભરશું

આપના ચરણો ચુમીશું

આત્મદીપક કેમ બનશું

આપનો પ્રચાર કરશું

-દિલીપ ગજજર

આ જગતમાં જ્ઞાન જેટલું પવિત્ર કશું નથી. ન હિ જ્ઞાનેન સદૃશમ પવિત્રમ ઈહ વિદ્યતે.જે જ્ઞાન આપે તે ગુરુ છે. આપવું- શબ્દ સાંકેતિક છે..ખરેખર તો આપણી અંદર રહેલી જ્ઞાન જ્યોતને જ તે ઢંઢોળે…આગળ આવી ગયેલ અંધકાર અવરોધ દૂર કરવા પદ્ધતિ બતાવે…એક વાર સાચા શિષ્ય બની જવાય તો ગુરુ આપમેળે જ મળી રહે છે પછી શરુ થઈ જાય છે પ્રેરણાના અનન્ત સ્રોતો ! આ પ્રેરણા આપણને વૃક્ષ, પશુ ,પંખી, બાળક, પુરુષ, સ્ત્રી, ભાઈ, બહેન માતાપિતા, વિત્ત ,વસ્તુ, સર્વત્ર જગ્યાએ થી મળે છે. ગુરુનું ગુરુત્વ અણમોલ છે તો શિષ્યનું શિષ્યત્વ પણ. સાચા ગુરુ અને સાચા શિષ્ય મળવા એ બહુ દુર્લભ વાત છે મેળાપ તો થાય છે પણ સંયોગ નથી થતો. સાચા ગુરુ માત્ર મધ્યસ્થી, માધ્યમ બની રહે છે, કૃષ્ણ જેમ..શિષ્યને માર્ગદર્શન આપી ખસી જાય છે..પોતાને સર્વસ્વ નથી ગણતા પોતાને ઈશ્વર નથી કહેતા અને પોતાની પૂજા પણ નથી કરાવતાં…આજે લેસ્ટરમાં એક ગુરુની પૂજાનું આયોજન થયું છે જ્યાં તમે નખશીખ તેમની પૂજા કરી શકશો…!!! આ ગુરુ એક્સપોર્ટ ક્વોલીટીના છે..તમારી જરુરિયાતની પૂર્તિ કરે તેવા છે ડીમાન્ડ અને સપ્લાયના વ્યવસાયિક રુલ મુજબ ! બીજા એક ગુરુ ધનવાનોની શાંતિ માટે લક્ઝરીયશ ક્રુઝમાં દરિયામાં સહેલગાહ કરવાના છે ધન હરવાના ..અરે સોરી…યજ્ઞ કરવાના છે ! તેમના ભાવતાલ ચોક્ખા છે જુદા જુદા છે..તે વિધિ મુજબ… સામાન્ય માણસ માટે નહિ…કર્મકાંડીઅઓની જિવીકા માટે આ બધુ છે તેવું પુર્વે કહેવામાં જ આવ્યુ છે…મુઢ ધાર્મિકો કર્મકાંડ અને જ્ઞાન નો તફાવત નથી સમજતા. બહવો ગુરવો લોકે શિષ્ય વિત્તાપહારકઃ… સાચા ગુરુ તો, મૈ અકેલા હી ચલા થા જાનિબે મંજિલ મગર, લોગ આતે ગયે ઔર કારવા બનતા ગયા..તેવા છતાં ય ભીડથી અલિપ્ત હોય છે.. બુદ્ધે અંતે શિષ્યોને કહેલું કે,પોતે જ પોતાનો આત્મદીપ થજો,પોતાનામાં જ તેને ( પ્રભુ-આનંદ) જોજો… તેના પ્રકાશમાં જ માર્ગ જોજો,પોતાના જ પગભર રહી ચાલજો, ત્યારે મૂઢ શિષ્યો એ કહ્યું કે તેવી તકલીફ શા માટે ? અમે તો તમારા જ જ્ઞાનના પ્રકાશથી કામ ચલાવશું..તમને જ ભગવાન ગણીશું…તમારા જ પગમાં પડીશૂં..તમારા જ રસ્તે ચાલીશું.. ઘણા વરસો પછી જેમના કરોડો અનુયાયી છે તેવા એક અનુયાયીના ઘરમાં તેમના ગુરુના મલકતા મુખવાળા ફોટાની બાજુમાં લખેલું, હમ આપકે હી પ્રકાશમેં દેખેંગે, આપકે હી માર્ગ કો અપના માર્ગ માનકર ચલેંગે…આપકે હી જીવનમેં અપને જીવનકા દર્શન કરેંગે..!!! જે સત્તા સંપત્તિ અને વાસનાના પવનથિ ફૂ કરી ઉડી જાય તે લઘુ છે ગુરુ નહિ…. સ પૂર્વેષામપિ ગુરુ કાલેનાઅવચ્છેદાત…કાળ જેને છેદી શકતો નથી તે જ સાચા ગુરુ છે અર્થાત પરમાત્મા સિવાય કોણ ? આજે ગુરુપૂર્ણિમાના દિવસે સદગુરુને વંદન.

તે ગાંધી નહીં !-ગુણવંત શાહ

gandhi

જેમના સિદ્ધાંતોનો અને ની તિઓનો મારે વિરોધ કરવો પડે છે,

તેમના પ્રેમ અને વિશ્વાસનું હુ હંમેશા પાત્ર બન્યો છું. -મો.ક. ગાંધી


જેમને સત મૂલ્યને આગળ સદા સૌથી કર્યા

જ્યાં ગયા ત્યાં માર્ગમાં અવરોધ પણ ખૂબ જ નડ્યાં

રાષ્ટ્રના રક્ષણને માટે પ્રાણ જેણે પાથર્યા

આજ પણ સળિયાની પાછળ તેમના દર્શન કર્યા

-દિલીપ ગજજર, લેસ્ટર

***

લીધેલું કામ અડધેથી છોડે, તે ગાંધી નહીં.

ડરથી કોઈ કામ પડતું મેલે, તે ગાંધી નહીં.

પોતાની રાઈ જેવડી  ભૂલ છુપાવે તે ગાંધી નહીં.

સત્ય સાથે જે બાંધછોડ કરે, તે ગાંધી નહીં.

મિત્રને છાવરે ને દુશ્મનને છેતરે, તે ગાધી નહીં.

-ગુણવંત શાહ ‘ગાંધી-ગંગા’માંથી


અહિંસા પ્રેમનો સિધ્ધાંત સમજાવી ગયા ગાંધી

લડત આઝાદી માટે રીત બતલાવી ગયા ગાંધી

નરાધમ નાથુરામે તો કરી નાખી છતાં હત્યા

જગતને ભાઇચારાનો સબક આપી ગયા ગાંધી

સિરાજ પટેલ “પગુથનવી” સેક્રેટરી ગુજરાતી રાઇટર્સ ગિલ્ડ-યુ.કે.

***

ચાલો વિશ્વ વિભૂતિને યાદ કરીએ.

જનમ્યા ગુર્જર દેશ, સંસ્કૃતિના ખીલ્યા છે ગુલદસ્ત

તવ રંગે સોડમે ખીલ્યાં, મઘમઘતાં માનવ પુષ્પ

વિશ્વ પથ દર્શક ગાંધી ગરવો, ગુર્જર સપૂત મહાન

ધન્ય ધન્ય ગુર્જરી માત, તવ ચરણે મલ્યો અવતાર

***

રમ્ય ડુંગરા સરિતા મલકે, ધરતી ઘણી રસાળ

ગરબે ઝગમગે જીવનદીપને,જગત જનનીનો સાથ

ધરતી મારી કુબેર ભંડારી,ભરશું પ્રગતિ સોપાન

જય જય રંગીલી ગુજરાત,શોભે યશચંદ્ર તવ ભાલ

રમેશ પટેલ ( આકાશદીપ )

માતા તારો બેટડો આવે ઃ ઝવેરચંદ મેઘાણી

આશાહીન એકલો આવે

જો જો ! મારો બેટડો આવે ઃ

સંદેશાઓ ખેપિયા લાવે

ભાઈ વિદેશીડાં વીનવું રે-

એને રોકશો મા ઝાઝી વાર ;

***

ગાંધીને માર્ગે કૂચ કરીને ચાલશું અમે

ને પાશવી બલને સદા પડકારશું અમે

લાખો ગુલામો શોષકોને પોષતા હજુ

જાગૃતિ કાજે શંખ સતનો ફુંકશું અમે

દાંડીકૂચ મહોત્સવ

-દિલીપ ગજજર, લેસ્ટર

***

જગતની આંધી વચ્ચે આજ ગાંધી પ્રેરણા આપે

વિરોધીઓનો જીતી પ્રેમ ગાંધી પ્રેરણા આપે

ચડાવે તક્તી સંતો ભથ્થાખોરો પણ ધરે ફુલો

ની તિને માર્ગ ધપવા સહુને ગાંધી પ્રેરણા આપે

-દિલીપ ગજજર, લેસ્ટર