પરસેવો બિચ્ચારો રઘવાયો થઈને ભલે ચહેરા પર આમતેમ દોડે !
માઈક મળે તો કોઈ છોડે ?
નાના અમથા એ ટીંપા શું જાણે ? આ ભાષણ શું કરવાની ચીજ છે ?
આકાશે ચાંદો છે, ચાંદામાં પૂનમ ને પૂનમના પાયામાં બીજ છે
વિષયમાં એવો તો ફાંફે ચડે ને તોય તંતુને આમતેમ જોડે.
માઈક મળે તો કોઈ છોડે ?
ઉધરસ ને નસકોરા રમત્યે ચડે ને એ ય બગ્ગાસા વ્હેચાતા ભાગમાં
કંટાળો જાણે કે આખ્ખુ કુટુમ્બ લઈ ફરવા આવ્યો ન હોય બાગમાં
તાજા ઉઘડેલ એક વક્તાને ડાળીએથી ખંખેરી ખંખેરી તોડે.
માઈક મળે તો કોઈ છોડે ?
છેલ્લી બે વાત, એવું કાનમાં પડે ને કંઈક શ્રોતામાં જીવ પાછા આવે
છેલ્લી, છેલ્લી છે એમ બોલી બોલીને પાછો આખ્ખો કલાક એક ચાવે
સાકરના ગાંગડાને કચકચાવીને જાણે પકડ્યો હો ભૂખ્યા મંકોડે.
માઈક મળે તો કોઈ છોડે ?
કૄષ્ણ દવે
Advertisements
નિતાંત સુંદર..અને પાછા આતો કૃષ્ણ દવે …ભાઈ વાહ ..દિલીપ ભાઈ ખુબ આભાર આ સુંદર અનુભવ ની વહેચણી કરવા બદલ
Oh! What a nice Post ! I really LIKED the way all words to express a DEEPER MEANING….Congrat, Krishna Dave !…Thanks , Dilipbhai for publishing it as a Post !>>>>CHANDRAVADAN MISTRY
Inviting ALL to CHANDRAPUKAR !
http://www.chandrapukar.wordpress.com
ખરેખર સો ટકાની વાત કરી કૄષ્ણ્ભાઈ દવે..આ માઈક જો હાથમા આવે તો કોઈને છોદવુ ના ગમે..છેલ્લે સાકર ગાંગડાને મંકોડાની વાત પર મનભરી હસી..આભાર દિલીપભાઈ
સપના
Something new ! Very nice. Really enjoyed it.Appreciation all the way and congratulation to Krishna Dave and also to Dilip Gajjar for the display.
Siraj Patel “Paguthanvi”
Quite refreshing!
સાકરના ગાંગડાને કચકચાવીને જાણે પકડ્યો હો ભૂખ્યા મંકોડે.
માઈક મળે તો કોઈ છોડે ?
sabhaani maja ane sajaa.
Ramesh Patel(Aakashdeep)
મુશાયરાની બેઠક હો યા રાજકીય મંચ હો એકલ કે સજોડે
માઈક મળે તો કોઈ છોડે ?
ક્રુષ્ણભાઈની વાંસળીને કોઈ માઈકની જરૂર છે ખરી.
આ વકતાઓ ઘરે પણ એવું જ હેરાન કરતા હોય છે. શા માટે ઘરના માણસો આ બધું સહન કરતા હશે?
કૄષ્ણભાઈ ની આ રચના ખુબ જ વખણાયેલી, ખુબ જ સરસ રચના! પણ દિલીપભાઈ, તમે પંકિતઓ ને લેખની જેમ જ સડસડાટ સીધે સીધી જ રાખી ને લખી છે, આ કાવ્ય “વેબ મહેફિલ” માં પણ આવેલ છે આપ તે જોઈ લે શો, તો ખ્યાલ આવી જશે.
સ્વાનુભવે કહું છું, ખૂબ નમ્રતાથી કે મહેફિલમાં કૃષ્ણ દવે માઈક પર હોય તો એમને આ રચના રજુ કરતા સાંભળવાનો લ્હાવો અનેરો છે… અને જો કૃષ્ણ દવે જ્યાં સુધી આ રચના રજુ ના કરે એમેને માઈક ના છોડવા દેવાય એ વાત મારા મતે તો ચોક્કસ!