તમન્ના

તંદ   દિલ  ને   તંદ  દૃષ્ટિના  સમાજો  જોઉં  છું

પ્રેમની  વચ્ચે   દીવાલો   ને  રીવાજો  જોઉં  છું

વહેચણી  આઘાતની  દુનિયા કરે છે રોજ રોજ

એટલે તો રોજ દિલ પર જખ્મ તાજો જોઉં છું

-કુતુબ આઝાદ

મને ઇન્સાન થઈ સાચા જ જીવવાની તમન્ના છે

મળ્યા છે  હાથ  તો સત્કર્મ  કરવાની તમન્ના છે

ફક્ત મારું  અને  હું  હું  કર્યે  જગ બેસૂરું  થાશે

બની  બંસી અધર તારે જ બજવાની તમન્ના છે

નથી સાગર તળે જાવું શિખર પણ સર નથી કરવા

હદયની  પાસ  આવી પ્યાર ભરવાની તમન્ના છે

તમારાથી  તમારી  પ્રીતનું  મુલ્ય  અધિક લાગ્યું

લીધું જ્યાં નામ તારું ત્યાં જ મરવાની તમન્ના છે

તમન્ના ને  નિકમ્મા કર  દિયા  કેવી તમન્ના છે ?

કિનારા  પણ  ડુબાડી  દે જો ડૂબવાની તમન્ના છે

દિલોના  દ્વેષભાવોને  તજી જીવો ને જીવવા દો

બચી અણમોલ માનવતા તો જીવવાની તમન્ના છે

હજારો  દ્વાર  પર  દસ્તક  દીધા મેં શોધમાં તારી

ખુલે  જો  દ્વાર અંતરના તો ભજવાની તમન્ના છે

ધર્મના  ક્ષેત્રમાં  હર  ક્ષેત્રમાં અંધાર જ્યાં દિલીપ

જગતના  ‘કો  ખૂણે  અંધાર હરવાની તમન્ના છે

-દિલીપ ગજજર

મિત્રો, તમન્ના માસિક જો મંગાવવા ઈચ્છતા હો તો વધુ માહિતિ માટૅ સંપર્ક કરી શકો છો.

Advertisements

૭૦ કારણો-પૃથ્વીને ચાહવાના-આદમ ઘોડીવાલા

પ્રિય મિત્રો, યોર્કશાયર અને ગુજરાતના પર્યાવરણ પ્રોજેક્ટ નિમિત્તે અદમભાઈએ પોતાની એક મૌલિક રચના સરજી ભાગ લીધો,કવિમિત્ર સિરાઝ પટેલ જેઓએ મને હસ્તાક્ષરી રચના મોક્લી આપી. અદમભાઈ જેઓ વિશ્વ વિખ્યાત કવિ છે  જેમણે મને આ રચના પ્રસિદ્ધ કરવા અનુમતિ આપી તે બદલ લેસ્ટર ર્ગુર્જરી થકી બેય કવિમિત્રોનો આભારી છું,. આ રચના લધુ કાવ્ય પ્રકાર પર આધારિત છે.જે એક લીટીનું છંદોબદ્ધ કાવ્ય જેને ‘તન્હા’ તરીકે ઓળખાય છે આમ ૭૦ લઘુકાવ્યો, તે આપ સમક્ષ રજુ કરુ છું આપ સહુ કાવ્ય મર્મજ્ઞ અને રસિક મિત્રો પ્રતિભાવ આપી બિરદાવશો તો કવિને જરુર આનંદ થશે.

આ નવીન લઘુ કાવ્ય પ્રકાર ‘તન્હા‘ ની ખોજ આદિલ મન્સૂરી દ્વારા થયેલ જેમાં ૧૩ અક્ષર એક લીટીમાં હોય અને તેવા તેર લીટીવાળા કાવ્ય હોય જેના પ્રત્યેક કાવ્યનો વિષય અલગ હોય આવી ‘તન્હા’પ્રથમવાર આદિલજીના સંગ્રહમાં છપાઈ, તતપશ્ચાત તેમના અઝીઝ મિત્ર અને મુર્ઘ્ન્ય કવિ અદમ ટંકારવીએ આમાં થોડો ફેરફાર  ઉમેર્યો અને ‘તન્હા’ ના બંધારણમાં મુક્તિ અર્પી જેમાં , ગઝલના છન્દ પ્રયોજી પ્રાસ, અનુપ્રાસ જાળવી શકાય અને તેર ને બદલે ગમે તેટલી લાઈન કે અક્ષર લઈ શકાય અને વળી વિષય સાતત્ય પણ જાળવી શકાય એક જ વિષય પર બધા કાવ્ય હોવાથી રચના સાતત્યપૂર્ણ અને છન્દોબદ્ધ બને અને ભાવ વર્તુળ પૂરું થાય.

અદમ સપ્તતિ જુદી ઉજવે છે

ધરાના પુત્ર થઇ ઓચ્છવ કરે છે

અદમ ભાઈને સપ્તતિ અભિનંદન !…. વસુંધરા સાથેનું કવિનું કેવું અદ્ભૂત દિવ્ય તાદાત્મ્ય, દૃષ્ટિ અને પુત્રભાવની અનુભૂતિ કે યાદ આવી જાય વેદ્કાલિન ઋષિ જેને ‘માતા ભૂમિ પુત્રોહમ પૃથીવ્યા’ કહી પૃથ્વી સુક્ત રચ્યું !!! -Dilip-દિલીપ ગજ્જર

ખીચડી – કૃષ્ણ દવે

કવિમિત્ર કૃષ્ણ દવેનું તરોતાજા કાવ્ય આપ સમક્ષ રજુ કરું છું. આપના પ્રતિભાવની અપેક્ષાસહ..-દિલીપ