પરમ તેની પ્રીતે રિઝાવ્યું છે દિલ !

મિત્રો આપ સમક્ષ રજુ કરુ છું સ્વરચના… દુન્વયી પ્રેમ અને પરમ પ્રેમ માં ફર્ક છે

આપ જાણો છો, ઈશ્કે મિજાજી અને ઈશ્કે હકીકી …આશા છે આપને આ ગઝલ ગમશે .

આપના અમૂલ્ય પ્રતિભાવ મને સદાય પ્રેરે છે, સપનાજી ની  રચના પરથી શીઘ્ર આ રચના સ્ફૂરી છે.

આપના પ્રતિભાવની આશા સહ, લેસ્ટરગુરજરી ૧૬ મી ડિસેમ્બરથી ત્રીજા વર્ષમા પદાર્પણ કરે છે…..

આપ સહુ મિત્રોની મુલાકાત અને સહકાર બદ ખૂબ ખૂબ આભાર

-દિલીપ ગજજર

અમે ભાવગીતે ભીજાવ્યું છે દિલ

પરમ તેની પ્રીતે રિઝાવ્યું છે દિલ

ખૂલી આંખે સૌન્દર્ય પીધા કર્યું..

અને સ્વપનમાં પણ સજાવ્યું છે દિલ

હતું તારું ને મારું રહેવું અલગ

હવે આપણું ઘર બનાવ્યું છે દિલ

તે  લેપાઈ જાતું  જગત કાદવે

કમલ જેવું તેથી બનાવ્યું છે દિલ ?

જુઓ જલ વહી જાય નીચે તરફ

કરી ઉચ્ચ માર્ગ ચલાવ્યું  છે દિલ

ઘડીમાં તે કમબખ્ક્ત  હસે ને રડૅ

સમજહીન ને મૂરખ ! મનાવ્યું છે દિલ

વિકારે વિષયમાં સહજ ડૂબતું

સરી ભક્તિ નાવે તરાવ્યું છે દિલ ?

નિહાળીને દુર્ગુણ દુઃખી થૈ જતું

વિધાયક નજરથી વિંધાયું છે દિલ

સતત ભોગ ની માંગ કરતું છતાં

અતિભોગથી ના ધરાયું છે દિલ

નહિ ગંદકી જોઈ આસક્ત થાતું

ફૂલો સમ સુગંધિત સજાવ્યું છે દિલ

મળી ભેટ  ઉત્તમ પ્રભુની મને

પલકભર ખુદામાં પરોવ્યું  છે દિલ ?

જે  ચાહે ગમે તે લઇ જાય ને

ફરે ઢોર સમ કાં પરાયું છે દિલ

નહિ અંધ થઈ મોહમાં જે પડ્યું

આ બત્રીશ કોઠે પ્રકાશ્યું છે દિલ

કરી એક ઘાથી બે કટકા કરી

નહિ સંશયોથી મરાવ્યું છે દિલ

દમિત કામથી જો કણસતું  રહે

કરી મુકત પંખી ઉડાવ્યું છે દિલ

એ બંધન અને મુક્તિ કારણ હશે

જીવન કેદ આપી  રિબાવ્યું છે દિલ

દિલીપ તું કૃતઘ્ની કદી ના બને,

કૃતજ્ઞી  રહીને  હરખાયું  છે દિલ

દિલીપ દિવ્ય આનંદમાં તું રહે,

પરમ પ્રેમથી તે ઉગાર્યું છે દિલ

-દિલીપ ગજજર