પ્રેમની ઘટ્નાનું પણ કંઈ માન હોવું જોઈએ

મિત્રો, આપ સમક્ષ રજુ કરું એક તાજી રચના..આપ સહુને મકર સન્ક્રાંત ની શુભેચ્છાઓ.

ઉંચે ચડે પતંગ તારો ગર્વથી ફુલાય

પણ ધ્યાન રાખો પાંખ પંખીની નહીં કપાય

છે બાળ ને પરિવાર ને તેમાંય પ્રાણ છે

આકાશ છીનવી પ્રીતનું ગૌરવ નહીં લૂંટાય

 

 

સમ્યક ક્રાન્તિ ઈતિ સંન્ક્રાંતિ અન્યથા ભ્રાન્તિ ભ્રાન્તિ

જીવનમાં સમ્યક ક્રાન્તિની ઘટના ઘટે તો મકર સંક્રાત સફળ થાય. માનવ ઉચે ચડે છે..તેને ગમે છે તો ફરી પાછો નીચે પડે છે..કદી તે જેનો સહારો લઈ  ચડૅ  ઉંચો તેનો જ કૃતઘ્ની બની ઉપકાર ભૂલી હેઠો પાડે છે.તેનો પતંગ ઉંચો ચડે તો છકી જાય બહુ ફૂલાય છે અને કપાઈ જાય તો હતાશા ઘેરી વળે છે. પેચ લડાવે  લૂટે દોડે હરિફાઈ જાણે જીવન બની ગયું છે..ઉતરાયણની સાચી સમજ લૂપ્ત થતી લાગે છે..માનવી ઉત્સવપ્રિય કરતાંય ઘોંઘાટ પ્રિય બનતો જાય તેવું લાગે છે.કદી તે વાસનાને પ્રમ માની પાપ તરીરકે છૂપાવવા આકાશપાતાળ એક કરે છે પણ જેવું સત્ય બહાર આવે કે તે ક્રોધને વશ થાય અને ચારિત્રપતન, હેઠૉ પડે છે. જીવનના પાયામાં  સમ્યક સમજ હોય તો પ્રત્યેક ઘટના ઉતર તરફ અર્થાત વિકાસ તરફ લઈ જનારી બની રહે અને જિવનના પાયામાં જો અનીતિ બેઈમાની અસત્ય કૂકર્મો દંભ હોય તો પ્રત્યેક સારી લાગતી ઘટના પણ દૂર્ઘટનામાં પરીણમતા વાર નથી લાગતી.. માનવ બે અતિ પર પહોંચી જાય છે તે મર્યાદા સંયમ ચૂકી જાય છે..સારી ટેવને પણ તે લત બનાવી કૂટેવ કરી અન્યને પણ ચેપ લગાડે છે.. સમયક  વ્રુત્તિ હોય તો સંન્ક્રાન્તિ નહિ તો ભ્રાન્તિ….ભ્રાન્તિ… ભ્રાન્તિ

કાળ મકરસંક્રાન્તિ છે

અંતરનભમાં ભ્રાન્તિ છે

પૂર્વ પ્રીત ઉત્તરાયણ છે

શોધમાં તારી નયન છે

એ કાપી ને,લે લૂંટી છે,

જીવનદોરી ખૂટી  છે

સ્વપન તારી પાસ ક્યા છે

કલ્પના આકાશ ક્યાં  છે

વેર ઝેરને ભેદ ભાવની

ગંગ વહી ગઈ પ્રેમ પાવની

પલ પલ જાણે શીક્ષા છે

દિલ કરતું પરીક્ષા  છે

જીવનમાં ક્યા રંગ રહે છે

પ્રીતમાં પણ જંગ રહે છે

-દિલીપ ગજજર.

 

 

Advertisements