એકલા રાણી નહીં મનમાં ઘણાનું રાજ છે !

એકલા રાણી નહિ મનમાં ઘણાંનું રાજ છે !

રોટલાનું, ઓટલાનું, ચોટલાનું રાજ છે !

માઉસ પર અસવાર થઈ જા, કોમ્યુટરના સ્ક્રીન પર

વિશ્વદર્શનરુપ કર, ઈન્ટરનેટનું રાજ છે !

મિત્રો,ગણતંત્ર દિનના અભિનંદન !

મુક્તક-

વતન સંગ્રામની ભૂલાય ના તેવી કહાણી છે

બલિદાનો દીધાં છે તેમને સો સો સલામી છે

અમે જે મુક્ત શ્વાસો ખેંચીએ શાને ખુમારીથી

તજ્યા નીજ શ્વાસ અંતિમ તે અમર નામી અનામી છે

*******

 

ગઝલ

દેશમાં ગણતંત્રનું બસ રાજ છે

રાજ તો સાચું જગે સ્વરાજ છે

પ્રેમથી જીતી શકે જે વિશ્વને

એમનું સૌના હૃદયમાં રાજ છે

મેં મેં બકરાનું કદી કરતો નથી

ગર્જના પોતીકી તે વનરાજ છે

જેમનું સ્વામિત્વ સપના પર થયું

મુક્તિની મીઠી ક્ષણોનું રાજ છે

એક દિ તારો ચમકશે ભાગ્યનો

છો શિરે કાગળનો આજે તાજ છે

પગમહી કાંટો નયન ભીંજાય ત્યાં

એકતાની વૃત્તિનો આવાજ છે

રાષ્ટ્રની માટી ધરી મસ્તક ઉપર

જન્મભૂમિ સ્વર્ગ ને સરતાજ છે

એક તેનો હાથ શિર પર હોય તો

ક્યાં દિલીપ તું કોઈનો મોહતાજ છે

-દિલીપ ગજજર

Advertisements