હું પ્રેમી છું પ્રેમ કરું છું प्रेम स्वरुपोहं

હું પ્રેમી છું પ્રેમ કરું છું

प्रेम स्वरुपोहं

નદી નથી કહેતી કે મારી જેવું ખળખળ  જીવન છે ?

પર્વત નથી પૂછતો  કે યાર, તું મારા જેવો સ્થિર છે ?

સાગર નથી પૂછતો કે તું ગંભીર છે

સુરજે કદી કહ્યું  કે તું વહેલો ઉઠ ?

ચંદ્ર કદી પૂછે તું શીતલ છે  ?

ફૂલ નથી પૂછતું કે  કે  તું સુવાસિત છે

નદી તો વહેતી જ રહેશે

પર્વત ના અસ્થીર થાશે

સાગર તો ગંભીર છે જ

ચંદ્ર શીતલતા અર્પે જ

ફૂલ તો સુવાસ દે જ છે

કોઈ લે કે ન લે

કોઈ ચાહે કે ન ચાહે

કોઈ માને  કે ન માને

કારણ વગર મળી શકું છું

શૂન્ય થઈ ભળી શકું છું

વિશ્વ ને પ્રેમ કરી શકું છું

વિશ્વંભર મારો છે હું તેનો છું

કોઈ ચાહે કે ન ચાહે શું ફરક ?

કોઈ માને કે ન માને શું ફરક ?

પ્રેમ કરવો જન્મસિદ્ધ અધિકાર છે

ના કોઈ વિકાર કે પ્રચાર છે

હું ક્યાં પૂછું છું તારામાં પ્રેમ છે

ઈશ્વર  ક્યાં પૂછે છે તું લાયક છે

તે પ્રેમી છે પ્રેમ કરે છે

પ્રેમથી સર્જન કરે છે

સર્જનને પ્રેમ કરે છે

હું પ્રેમી છું પ્રેમ કરું છું

સર્જુ છું મારું જગત,…

જીવું છું મરું છું ક્યાં કોઈને નડું છું

 

Advertisements