વર્ષ બેઠું બાર હર્ષ !

પૂંછડી દબાવી ચાલ્યા નવ દશ અગ્યાર છે
મોતીડાં નો થાળ લઈ નવવર્ષ આવે બાર છે
જે અનુભવનુ મળ્યું ભાથુ ને મિત્રો માર્ગમાં
સૌ નવીનતાને દિલીપ સત્કારવા તૈયાર છે
-દિલીપ ગજજર
૩૧.૧૨.૨૦૧૧

કોણ રોકી દે સમય ? ને કોનાથી કહેવાય બસ ?
બે હજાર અગ્યાર સરક્યું વર્ષ બેઠું બાર હર્ષ !

રોજ સૂરજ આવતો અજવાળવા અંઃતકરણ
કેટલું દેવત્વ પામ્યો કેટલું કાઢ્યું તમસ !

કઈ દિશા ને માર્ગ પર ચરણો ગતિ કરતાં રહ્યાં ?
ક્યા જીવન આવી ઉભું વિચાર કર બુધ્ધિને કસ !

આશ રાખી માનવી પર આજ્તક જોતો હશે
ઉચ્ચ હેતુ ઈશનો સમજાય તો કેવું સરસ !

સ્નેહ વર્ષા અવગણીને ગાળ ભાંડે જો નગર
મીટ માંડી રાહ જોતા ગામડે જઈને વરસ !

જ્યારથી તારી છબી આ દિલના દર્પણ માં મઢી
શોધ લાગે પૂર્ણ થઈ ના સ્વપ્ન મૃગજળ કે તરસ

ભોગના પ્રવાહમાં તું રાતદિન ભીંજાય પણ
વિપરિત સમાજના રિવાજની સામે ય ધસ !

વ્યર્થ જાયે જો જીવનની સાધના આનંદ ના,
કોઈ સૂની ધડકનોમાં પ્રીતનું થૈ ગીત વસ

આજ પણ મા ગુર્જરી ને સંસ્કૃતી રુંધાય છે
એટલે સંગીતને સાહિત્ય માં દિલીપ ને રસ
-દિલીપ ગજજર
૩૧.૧૨.૨૦૧૧

વિના કોઈ કારણ !

ફુલો દેશ પરદેશ ખીલતાં રહેશે…..
ને મારે ય ખીલવું વિના કોઈ કારણ !
મળે જો સગડ કઈ પ્રભુના તો કહેજો
છે  મારે ય મળવું વિના કોઈ કારણ !
દિવાળી કે ક્રિસમસ ભલે ઈદ આવે,
બની મિત્ર ભળવું વિના કોઈ કારણ !
ભળે સ્વર તરંગ જ્યાં જમાવી દે મહેફિલ
પ્રણયગીત ગાવું વિના કોઈ કારણ !
જીવનસાધનાનું નથી ફળ છે ગમ શું ?
જીવન તોય જીવવું વિના કોઈ કારણ !
ખરા ભક્ત હૃદયને બનાવી દે મંદિર
હ્રુદય તારા વસવું વિના કોઈ કારણ
પ્રભુ સૃષ્ટિમાં તવ મજા છે સજા ના
જીવન આ ઉજવવું વિના કોઈ કારણ !-દિલીપ ગજજર
૨૨ ડિસે.૨૦૧૧ યુ.કે
This recent Photo taken and edited by my myself during my India’s vist.