तददूरे तदवन्तिके…………
દૂર તેનો વાસ તોયે પાસ છે
શબ્દમાં સમજાય તે અહેસાસ છે
શ્વાસમાં તેની હવાની છે મહેંક
તે નથી અંતિમ ઘડી ઉચ્છ્વાસ છે
તે નથી કહ્યાગરા પણ પ્રેમમાં
બેફીકર દિલદાર ને બિન્દાસ છે
રાજ લોકો પર હવે કરવું વૃથા
જ્યાં હ્રુદયના આસને સહવાસ છે
અંતરે નિવાસ કરજે, પૂરતું……
જન્મ જન્માંતર ભલે વનવાસ છે
હો દિવાળી કાળી ચૌદશ શો ફરક ?
અક્ષરી આકાશમાં અજવાસ છે
સીમરેખા એટલે છોડી દીધી
સીમમાં પણ રાવણૉનો ત્રાસ છે
તારા માટે થાય મરવાનું ય મન !
તું કહે તો, જીવી લવ વિશ્વાસ છે
તસ્વીર અને રચના-દિલીપ ગજજર