માનવ બની કો’ બતાવે ?

મુક્તક-

સૂરજનાં પ્રથમ એ  કિરણનો પ્રકાશક

પ્રચારક વિચારક ન, હું એક ઉપાસક !

તમસની કોઈ વાત ખપતી ન મનને

હું અંતરને અજવાળતો દીપ વાહક

*******

ગઝલ-ઘણા જગમાં રહી જગને ખોટું ઠરાવે

સ્વયં સુધર્યા વિણ બીજાને સુધારે

પ્રભુ થઈ કરાવી લે પૂજા સ્વયંની

તે ઈશ્વર નથી કોણ સાબિત કરાવે

કરોડૉનો સંગ્રહ, કરોડૉનું શોષણ,

કલિયુગે ગીતાજી કેવી ભણાવે ?

બધે જૂલ્મ હિંસા જણાયે છે ત્યારે

જીવન સત્ય સુંદર જીવી કો’ બતાવે ?

હું આ છું હું તે છું ભૂલ્યો શબ્દ એક જ

‘હું માનવ છું’ માનવ બની કો’ બતાવે ?

-દિલીપ ગજજર

मम वर्तमानुवर्तन्ते मनुष्या पार्थ सर्वशः