આંગણે ફૂલ છે શુભ છે

બાગમાં આંગણે ફૂલ છે શુભ છે
શું થયું ફૂલ સંગ શૂલ છે શુભ છે

પક્વ થૈ પાનખરમાં ખર્યા પર્ણ જો,
જીન્દગી આમ વર્તૂલ છે શુભ છે

હોય નિંદક સમીપ પ્રગતિ પણ સમીપ
માનવી માત્ર છું ભૂલ છે શુભ છે

વ્હાલના આંખથી લો ખર્યા આંસુઓ
આ જીવનનો મરણ પૂલ છે શુભ છે

મળમહીં ના કમળ ખિલતું ગૂણનું,
વિત્ત ને નામ તો ધૂલ છે શુભ છે

આંખ તેની બની ગઈ ‘દિલીપ’ આયનો
યાદ તેની જ બુલબુલ છે શુભ છે

-દિલીપ ગજજર

Poem &  Autumn Images by DGajjar

Advertisements