ખીલવામાં કળીને નહીં વાર છે

ખીલવામાં કળીને નહીં વાર છે
રક્ષવા બાગને કોણ તૈયાર છે ?

ડાળના કંટ્કો સુચવે છે મને
જ્યાં ફકત વાસના ત્યાં નહીં પ્યાર છે

*******
સૌ સર્જનનું ગૌરવ કરવું આથી સુંદર ઘટના શું ?
એક બીજાનું શોષણ કરવું આથી બદતર ઘટના શું ?
ભેદભાવના શિકાર થઈને વિષય વિકારના ગ્રસ્ત બનીને
બાગને ઉજ્જડ કરતાં રહેવું આથી નડતર ઘટના શું ?
સાર લઈ સંભાળ રાખી પ્યારભર્યો વ્યવહાર રાખી
માનવતા ઉપહાર બનવું આથી નવતર ઘટના શું ?
-દિલીપ ગજજર.
Image taken on Dec.2012

Advertisements

હજુ સમય નથી થયો મારો !

Dear Friends, Presenting Gujarati Poem reciting of Chandravadanbhai Mistry
Poem from his Book- Bhaktibhavna Zarana

Haji Samay nathi thayo maaro !…

Book tital Design by Dilip Gajjar

હજુ સમય નથી થયો મારો !…કાવ્યપાઠ કરે છે શ્રી ચન્દ્રવદન મીસ્ત્રી

આ વિડીઓ તેમની સાથેની યુ.કે.ની (૨૩/૧૨/૨૦૧૨) મુલાકાત દરમિયાન લીધેલ અને તેમના માટેના ખાસ મુક્તક સાથે સહર્ષ રજુ કરું છું
સરળ ને સાફ અંતરથી વહે છે ભાવના ઝરણાં !
કરે પાવન ને પ્રેરક સૌના દિલ સદભાવના ઝરણાં
નહીં પહોંચી શકે જ્યાં શબ્દ વાણી બુધ્ધિ ચાતુર્ય
વહાવે ‘ચંદ્રવદન’ પ્રિત્યાર્થે ‘ભક્તિભાવના ઝરણાં’
-દિલીપ ગજજર

પ્રેમ છે તે તું જ છે

મિત્રો,અમારી ૨૫ મી એનીવર્સરી નિમિત્તે આ ગીત રજુ કરુ છું
કંપોઝ- બ્રીજ જોષી
ગાયન-હસુ ગોહીલ
રચના/વિડીઑ- દિલીપ ગજજર

ચંદ્રમા વધતો રહે ને ચન્દ્રમાં ઘટતો રહે
પ્રેમ એવો આપનો છે જે સતત વધતો રહે
એક તારી ડાળ પરથી મોરનો ટહુકો ઉઠે
હું મટીને તું હી તું હી, નામ બસ રટતો રહે
લાખ જન્મોની સફરમાં નાવ કિનારો ચહે
પ્રેમમાં તારો ડુબેલો સાગરો તરતો રહે
કૈંક ખોતા કૈંક મળશે ભાવની આ સંપદા
જિન્દગીની આપદામાં તું સદા હસતો રહે
પ્રેમ છે તે તું જ છે ને તું જ છે તે પ્રેમ છે
પ્રેમરુપે તુજમહીં થી ‘તે’ સતત મળતો રહે
હા, પ્રિયાની યાદમાં આ વિશ્વને ભૂલી, દિલીપ
રોજ બસ તેની જ ગઝલો ગાઈને ફરતો રહે