मां तुम हो महान

प्यारे दोस्तो, मातृदिन के पवित्र अवसर पर आपके सामने पेश करता हुं मेरी गायी हुई रचना और भावानुवाद..
आशा है आपको पसंद आयेगा..आपके प्रतिभाव आवकार्य है..सर्जक के लिये उत्साहवर्धक है.

વસંતના વ્હાલ ..(Audio)

પ્રિય કવિમિત્ર રમેશભાઈ માટે ખાસ તૈયાર કરેલ આ ગીત આપ સમક્ષ પ્રથમવાર કરું છું. આ રચના તૈયાર કરતી વેળાએ કવિની રચના અને અનુભૂતિ સાથે સહભાગી થવા મળ્યું તે ખુબ જ આનંદ જનક રહ્યું. જેવી કવિતાઓ તેવા જ સંવાદિત કવિનો સ્વભાવ સ્પર્ષી ગયો.. આશા છે આપને ગમશે તો પ્રતિભાવ આપી હંમેશની જેમ પ્રોત્સાહિત કરશો, વધાવશો..

આ , મ્હેંક્યા, વસંતના વ્હાલ ..કે સહિયર શું કરીએ
આ, મ્હેંદી, મૂકી હાથ કેસહિયર શું કરીએ

ઝરણાં, તોડી, નીકળ્યાં પહાડ,ને વાગી , વાંસલડી રે વાટ
આ ફૂલે મઢ્યા ગાલ,કે ..સહિયર શું કરીએ

આ, આભે, ખીલ્યો મારો ચાંદ, ફાગે, ફાગણ છેડે મીઠી યાદ
આ, કોટે, વળગ્યાં કોઈના વહાલ.કે સહિયર શું કરીએ

આ રમ્યા યૌવનના ઉભરાટ,બોલી કોયલ જઈને ઊંચે ડાળ
રંગે ખૂલ્યાં પ્રેમનાં દ્વાર.કે સહિયર શું કરીએ

રમેશ પટેલ ‘આકાશદીપ’

Song Produced & Presentation by Dilip Gajjar
Presentation write up by Reknown young Poet Anil Chavda
Song Lyrics by Ramesh Patel ’ Aakashdeep’
Sung by Roshni Shelat
Music and Composed by Narayan Khare
Recorded at Chorus Studio, AMD.
Image of Sweta & Vital, Edited by Dilip Gajjar
Audio Maastered by Dilip Gajjar

તારી શાન ત્રિરંગા

પ્રિય મિત્રો, દરિયાપાર વસી ગુર્જરી મ્હેંકાવતા અને દેશ ભક્તિના ભાવો છલકાવતાં,
શ્રી રમેશભાઈ પટેલ ’આકાશદીપ’નું ગીત રજુ કરું છું. ‘જયહિન્દ જયઘોષ તિરંગા’
આપ સહુને પ્રજાસત્તાક દિન ના અભિનંદન.
સંગીત અને કમ્પોઝ : નારાયણ ખરે , સ્વર : દિલીપ ગજજર અને રોશની શેલત

શીર સાટે સોગંદ અમારા,પાવન હિમાલય ગંગા
નહીં ઝૂકીએ ન ઝૂકવા દઈશું,…૨
તારી શાન ત્રિરંગા.. કોરસ …
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ -…… તારી શાન તિરંગા ..
શીર સાટે સોગંદ અમારા,પાવન હિમાલય ગંગા

વિશ્વ ધરોહર ભૂમિ અમનની, કેસરીયાળી ક્યારી………….૨
ભારતની એ અમર સંસ્કૃતિ,……૨ ઝૂમે હરિયાળી પ્યારી….કોરસ
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા……

લાલ કિલ્લાએ શોભે કેવો, અમર યશ સહભાગી…………૨
સુજલા સુફલા ધરા મંગલા,…..૨ ધન્ય અમે બડભાગી…. કોરસ
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા…….

નહીં ઝૂકીએ ન ઝૂકવા દેશું, રંગ ધરશે રખવાળાં…૨
નહીં ભૂલીએ બલિદાનો વીરા,..૨ અમર જ્યોત અજવાળાં…કોરસ..
શીર સાટે સોગંદ અમારા,પાવન હિમાલય ગંગા….
નહીં ઝૂકીએ ન ઝૂકવા દઈશું, તારી શાન તિરંગા…કોરસ – તારી શાન તિરંગા ..
શીર સાટે સોગંદ અમારા,પાવન હિમાલય ગંગા

જયહિન્દ જયઘોષ ત્રિરંગા….રમેશ પટેલ(આકાશદીપ)

શ્રી દિલીપભાઈ
જય યોગેશ્વર.
આપની આજની આ ઈ મેલ , મારા માટે યાદગાર સંભારણું બની રહેશે.
આપે ખૂબ જ રસ લઈ , સાહિત્યિક મિત્રોને એક ભેટ ધરી છે અને તેમાં
મને સહભાગી બનાવી આભારી કર્યો છે તે બદલ ખુશી વ્યક્ત કરું છું.
રાષ્ટ્ર સન્માનના આ ગીતને ,શ્રી દિલીપભાઈ ગજ્જર અને રોશની શેલતનો
સ્વર મળ્યો અને ખૂબ જ નિષ્ણાત શ્રી નારાયણ ખરે, સંગીત ક્ષેત્રના તજજ્ઞના હસ્તે રેકોર્ડીંગ , એ સોનામાં સુગંધ જેવું છે. આપ સૌનો , કેલિફોર્નીઆ અમેરિકાથી , અમારા ઈન લેન્ડ એમપાયર , રીવર સાઈડ કાઉન્ટી સાહિત્ય સૌજન્ય મંડળ વતી ખૂબ ખૂબ અભિનંદન. આપે ૨૬મી જાન્યુઆરીના રાષ્ટ્રીય પર્વે તેને પ્રથમવાર
બ્લોગ પર મૂકવાનું આયોજન કર્યું , એ ખૂબ જ પ્રાસંગિક અને ગૌરવવંતું લાગ્યું.
આપના તથા સૌ તજજ્ઞ મિત્રોના સવિશેષ આભાર સાથે આભિનંદન.

રમેશ પટેલ(આકાશદીપ)
શ્રી રમેશભાઈ સાદર નમસ્કાર, આપનું આ રાષ્ટ્રભક્તિનું ગીત ગાતા આપના ઉદ્દાત ભાવો અને વિચારો સાથે એકરુપ થવાનું સદ્ભાગ્ય મળ્યું અને આ રીતે પ્રજાસત્તાક દિને આપની રચના રજુ કરવા મળી તેની ખુશી અપાર છે..આપના ગીત ને ઉચિત ન્યાય આપવા સહુએ યત્ન કર્યો અને આપે અમારા પ્રયાસને આવકાર્યો તે અમારે મન નોંધનીય વાત છે, આપના પ્રતિભાવ માટે આભાર… જયહિન્દ.

-દિલીપ ગજજર

વાંસલડી ડોટ કોમ- કૃષ્ણ દવે-વીડીઓ

ગુર્જરી  ગુજરી જશે તેવું ન હું કલ્પી શકું

જેમ મા  જાશે મરી એવું ન હું કલ્પી શકું
-દિલીપ ગજજર

 

મિત્રો આપની સમક્ષ  કૃષ્ણ દવે રજુ કરે છે, વાંસલડી ડોટ કોમ.
આશા છે આપ પ્રતિભાવ આપી તેમને બિરદાવશો…
ફોટો કેમેરામા રેકોર્ડીગ હોવાથી વિડીઓ કરતાં ઓડીયો ની ગુણવત્તા વધુ સચવાઈ છે

ગઈ કાલે જ લેસ્ટરના સનાતન મંદિરના હોલમાં લેસ્ટરગુર્જરી દ્વારા યોજાયેલ કવિ સંમેલનમાં કૃષ્ણ દવે એ પોતાની ઉત્તમ રચનાઓના કાવ્ય્પાઠ કરી મોટી સંખ્યામાં ઉપસ્થીત શ્રોતાઓના દિલ ડોલાવી દીધાં હતા..ત્યારે મંદિરમા બિરાજમાન કાનજી પણ..નાચી ઉઠ્યાં હશે તેવું વાતાવરણ સર્જાયું હતું…દિને દિને નવમ નવમ નમામિ નંદ સમ્ભવમ
લેસ્ટરના કવિ સંમેલનનો વિગતવાર અહેવાલ તૈયાર થતા જ અહીં રજુ કરવામાં આવશે…
શોભાબેન જોષીએ સુંદર સન્ચાલન કર્યુ હતું..


વાંસલડી  ડૉટ કોમ,  મોર્પિચ્છ ડૉટ કોમ,  ડૉટ કોમ વૃન્દાવન  આખું
કાનજીની વેબસાઈટ એટલી વિશાળ છે કે કયા કયા નામ એમા રાખું

ધારો  કે  મીરાબાઈ  દોટ કોમ  રાખીએ તો  રાધા  રિસાય  એનું  શું  ?
વિરહી ગોપીનું  ગીત એન્ટર કરીએ ને ક્યાંક  ફ્લોપી  ભીંજાય એનું શું ?
પ્રેમની આ ડિસ્કમાં તો એવી એવી વાનગી કે કોણે છોડું ને કોણે ચાખું ?
કાનજીની વેબસાઈટ …
ગીતાજી  દોટ  કોમ  એટલું  ઉકેલવામાં  ઉકલી ગઈ  પંડિતની  જાત
જાત  બળી જાય છતાં ખ્યાલ ના રહે એ જ  માણે આ પૂનમની રાત
તુલસી, કબીર, સુર, નરસૈયો થઈએ તો ઊકલે છે  કંઈક કંઈક  ઝાંખું.
કાનજીની વેબસાઈટ …..
એ જ ફક્ત પાસવર્ડ મોકલી શકે છે જેના  સ્ક્રીન ઉપર નાચે છે શ્યામ.
એને શું વાઈરસ ભૂંસી  શકવાના જેના ચીર પૂરી  આપે  ઘનશ્યામ ?
ઈન્ટરનેટ  ઉપર એ થનગનતો  આવે, હું કોઈ દિવસ વિન્ડો ના  વાખું.
કાનજીની વેબસાઈટ……

 

 

કેટલાયે માનવો આવી ગયા…(શ્રાવ્ય/ઓડિયો )

શ્રીમતિ શોભાબેન જોષી દ્વારા ‘કેટલાયે માનવો આવી ગયા’..નું સબરસ રેડિયો પર ઓડિયો પ્રસારણ,

‘અંતરદીપ’ સંગ્રહ પરિચય અને કવિનો ઇન્ટરવ્યુ

સંગીતઃ નારાયણ ખરે, કોરસ સ્ટુડીઓ અમદાવાદ, સ્વરાંકનઃ કિશોર ‘સાગર’,  ગાયન અને રચનાઃ દિલીપ ગજજર

પ્રિય મિત્રો, આજે રવિવારે ૨થી ૪ ના સમયે… લેસ્ટરના સબરસ રેડિયો પર શ્રીમતી શોભાબેન જોષીએ ઈન્ટરવ્યુ આયોજિત કરેલ. તેઓએ મારા ગઝલ સંગ્રહ ‘અંતરદીપ’વિષે પ્રશ્નો પૂછી શ્રોતાઓને પોતના ‘પુસ્તક પરિચય’ ના કાર્યક્રમ હેઠળ માહિતિ પુરી પાડી હતી. તેમણે પણ એક ગઝલ પઠન કરેલ અને પછી મને પણ એક ગઝલ ગાવા માટે અનુરોધ કરેલ તો, કેટલાયે માનવો ની બે પંક્તિ ગાઈ ત્યારબાદ તેઓએ, ‘કેટલાયે માનવોની..’ ઓડિયો રેડિયો પર પ્રથમવાર ઓન એર વહેલી કરી જે હાલ જ સ્વરબદ્ધ કરી અને રેકોર્ડ કરી છે. શોભાબેનની આગવી રજુઆતથી અનેક શ્રોતાઓ રેડિયો પર ફોન દ્વારા આવ્યા અને ‘અંતરદીપ’ સંગ્રહને શુભેચ્છા પાઠવી અને ઓડિયોને બિરદાવી..ત્યાર બાદ તેમણે ‘લેસ્ટરગુર્જરી’ ને પણ એક વર્ષ પુરુ થયે ખુબ અભિનંદન આપ્યા. આ સમયે લેસ્ટરના સદગત વિનય કવિને યાદ કર્યા હતા. આપણી ગુજરાતી ભાષા માટે જે કાર્ય શોભાબેન કરી રહ્યા છે, સ્થાનિક કવિ, કલાકારોને રજૂ કરી જે પ્રોત્સાહન આપી રહ્યા છે તે બદલ તેમને ‘લેસ્ટરગુર્જરી’ અને સાહિત્યરસિક મિત્રોના ખુબ ખુબ અભિનન્દન. -દિલીપ ગજ્જર

કેટલાયે   માનવો  આવી   ગયાં

ખૂબ થોડા જિન્દગી  જીવી ગયા

ગામથી તો શહેરમાં જઈને વસ્યા

શહેરથી  પરદેશમાં  પહોંચી ગયા

આમ અમને આ ધરા નાની પડી

ચંદ્ર  પર  ને  મંગળે   ઊડી  ગયાં

માનવીના મન સુધી તો ના ગયા

ઈશને    પાડોશમાં   ચૂકી   ગયાં

ધ્યેય   વિનાની   ગતિથી  દોડતાં

આખરે  પાછા  ઘરે  આવી ગયાં

આવતા  ઘરમાં  જરા  મોડું  થયું

ક્યાં મને મૂકી ‘દિલીપ’ચાલી ગયા

-દિલીપ ગજજર