કામ એક સાચુ કરી શ્રી રામ બોલો

Happy Ram Navmi to my friends..Jay Three Ram bolo

II લેસ્ટરગુર્જરી II

પ્રેમરૂપી કૃષ્ણની બંસીનું હૈયે ગાન હો
સત્યરૂપી રામનું જીવનમાં મારા સ્થાન હો
કૃષ્ણ પાલન ગોરુપી  ઇન્દ્રિયનું સમજાવજો
ભોગને મર્યાદા બાંધી રામ મુજને રક્ષજો
-દિલીપ ગજજર.

કામ એક સાચુ કરી શ્રી રામ બોલો

પ્રાણ જાતા દેહનું શું કામ બોલો

ભક્તિ સાચી છે અગર દાનત ભલી હો,

ના બગલમાં છૂરી રાખી રામ બોલો

સંસ્કૃતિની લાજ જગથી જાય ત્યારે

મૂલ્ય અર્થી નીકળે શું રામ બોલો

સંપત્તિ શકિત વધે ત્યાં શીલ ગાયબ

થાય ધાર્યુ રાક્ષસી પરિણામ બોલો

શ્વાન રાજા થઈ ઉકરડે જઈ ચડ્યાં

પોલ ખોલી શું મળ્યું ઈનામ બોલો

પાઠ પોપટ ટેવ પણ ભારે પડી ગઈ

મુક્ત ગગને ઉડશે ખુલે આમ બોલો

હરજગે શિર ટેકવાથી નહિ મળે તે

રામરાવણ જય ! ભલા શું કામ બોલો

હા, સ્વધર્મે મૃત્યુ શ્રેયસ્કર દિલીપ

હરપલે જીવન સતત સંગ્રામ બોલો

જય શ્રી રામ

આજે  ભારતીય સંકૃતીના આધાર સ્તંભ શ્રી રામચંદ્રજી નો પ્રાગટ્ય દિન છે ..બર્થ ડે છે … શ્રી રામ ને કોઈ મોટા મહાન કહે ત્યારે પોતાની ઓળખ ..આત્માનામ માનુષમ મન્યે રામમ…

View original post 132 more words

Advertisements

દૃષ્ટિ દિવડાં

દૃષ્ટિ દીવડાં ગોખલે ખુદ હોય છે પ્રગટાવવાના
સૃષ્ટિ  સુંદર નીરખી તે  જિંદગી  શણગારવાના

ઘોર  નિરાશા   પૂર્વગ્રહના   પર્ણ    ખંખેરી,  દિલીપ
નવ પ્રભાતે આશ લઇ નૂતન વરસ પણ આવવાના

drushti-divda2

Posted in અવર્ગીકૃત | 2 Replies

‘મેઘદૂત’ શો વિષે…..

MDGroup4LGતાજેતર માં જ લેસ્ટરના કર્વ થિયેટરમાં શ્રુતિ આયોજિત ‘મેઘદૂત’ શો થયો, આ શો માં માર્ચ થી મે માસ સુધી આસિત દેસાઇ આલાપ દેસાઈ અને હેમા દેસાઈ ગાયકો સાથે સેમી ક્લાસિકલ ગાયનની મેઘદૂત પ્રસ્તુતી માટે તાલિમ લેવાનો મોકો મળ્યો….મેઘદૂત શો થયા પછી તે વિષે…આશિતભાઈ એ લખાણ મોકલ્યું તે રજુ કરું છું….

લેસ્ટરમાં મેઘદૂત પ્રસ્તુિત
”આષાઢસ્ય પ્રથમ દિવસે”…ના નાદ સાથે લેસ્ટર સ્થિત શ્રુતિ આર્ટસ દ્વારા Curve Theatre માં મહાકવિ કાલિદાસના ‘મેઘદૂત’ની પ્રસ્તુિત ભવ્ય રીતે થઇ.
શ્રુતિ આર્ટસ છેલ્લા ત્રણ દાયકાથી આપણી સંસ્કૃિતનું જતન અને સંવર્ધન કરી રહી છે. જેના મૂળમાં આપણા જાણીતા ગાયક-સંગીતકાર શ્રી ચંદુભાઈ મટાણી છે. મુંબઈથી ખાસ, ગાયક-સંગીતકાર બેલડી શ્રી આશિત ને હેમા દેસાઈ અને તેમના બહુમુખી-પ્રતિભાવાન સુપુત્ર આલાપ દેસાઈએ લેસ્ટર આવીને Local Talent ને તૈયાર કર્યા, જેમાં 35 ગાયકો, 11 Western Orchestra વાળા, તબલા, પખવાજ, સાઈડ રીધમ, 15 નૃત્યકારો, સંતૂર, ફલ્યુટ તથા મુંબઈથી આવેલા શ્રી અતુલ રાણીંગા (કી બોર્ડ), માનસકુમાર (વાયોલીન), ભગીરથ ભટ્ટ (સીતાર) આમ 65 જેટલા કલાકારોએ ‘મેઘદૂત’ની પ્રસ્તુિત કરી.

આશિત દેસાઈ અને આલાપ દેસાઈની સંગીતની સૂઝ અને અનુભવ દ્વારા શાસ્ત્રીય રાગો, જેમાં સરગમ, તરાના, ગીત બોલબાટ અને હિન્દી-સંસ્કૃત ને બંગાળી ગીતોની પ્રસ્તુિત કરી. શ્રુતિ આર્ટસ ના આર્ટિસ્ટીક ડાયરેક્ટર શ્રી યોગેશ જોષી એ Scripting બહુ જ સુંદર રીતે કર્યું અને એમના સહયોગીઓ પ્રિતિ મટાણી ,
રાજેન વેદ, પ્રદીપ ઉપાધ્યાય, પ્રતાપ રાણાવાયા એ મળીને ‘મેઘદૂત’ને એક રસપ્રદ વળાંક આપ્યો, જેમાં સોનામાં સુગંધ રૂપે દૃશ્ય-શ્રાવ્ય, પ્રકાશ આયોજનથી સ્ટેજ દીપી ઉઠતું હતું. પડદો ખુલતાની સાથે જ એક સરખા વસ્ત્ર પરિધાનમાં ઉભેલા કલાકારોને જોઇને જ કંઈક નવું જોવા સાંભળવા મળશે એવી આશા શ્રોતાઓમાં જાગી ગઈ.

Curve Theatre ની 900 એ 900 સીટો અઠવાડિયા પહેલાં જ House Full થઇ ગઈ હતી જે ગર્વ લેવા જેવી વાત છે. છેલ્લે લગભગ 5 થી 7 મીનીટ સુધી તાળીઓના ગડગડાટ સાથે Standing Ovation મળ્યું. આ દેશમાં આવી પ્રસ્તુિત માટે શાબાશીના હકદાર એવા શ્રુતિ આર્ટસ આશિત, હેમા, આલાપ, કલાકારો અને શ્રોતાઓને ગણી શકાય.

 

Posted in અવર્ગીકૃત | 4 Replies

પ્રેમની એક નજર જોઈએ

DSCF0078

પ્રિય મિત્રો, આપણી સમક્ષ એક ગઝલ તસ્વીર સાથે રજુ કરું છું આશા છે ગમશે

સાગરો માં સમાઈ જવા એક નદી સમ સફર જોઈએ
જિંદગીની  સફર  માણવા  રાહમાં  હમસફર જોઈએ

પ્રેમ ઓછો નથી જાણવા પ્રેમની એક નજર જોઈએ
પાત્ર  કુપાત્ર જોતો નથી  બસ હૃદય તરબતર જોઈએ

પારકા લઇ ઉછીના સ્તવન યંત્રવત કંઈ ખુશામત કરે
વાણી કે માંગણી  બુદ્ધિથી છે  પરે તે અસર જોઈએ

મંદિરો  મસ્જીદો ચર્ચના  લેબલોના  ભરમ હોય ના,
માત્ર સામ્રાજ્ય હો પ્રેમનું એક અનોખું નગર જોઈએ

શોધતા અન્યના જે દિલે સુક્કા રણમાં ભટકતા રહે,
સ્નેહવર્ષા   કરે  અંતરે   ભાવભીની   કદર  જોઈએ 

નામ ને રૂપ તેના હજાર શબ્દ સર્જન પણ તેના હજાર
ચેતના ચોતરફ  વિસ્તરે સ્નેહ  સરહદની પર  જોઈએ 

દીર્ઘ લાંબા શિયાળા સમી જિંદગીની કહાની દિલીપ
એક  ટૂંકી  ગઝલ  ગુફત્ગુ   જેમ  ટૂંકી બહર  જોઈએ

-દિલીપ ગજજર

Posted in અવર્ગીકૃત | 14 Replies